ആപ്പിള്‍ ഐഫോണ്‍ 14 ഫോണുകള്‍ പുറത്തിറങ്ങി; ‘സാറ്റലൈറ്റ് കണക്ഷന്‍’ അടക്കം വന്‍ പ്രത്യേകതകള്‍
വിലയില്‍ പതിവുപോലെ ആപ്പിള്‍ ഞെട്ടിക്കുന്നെങ്കിലും, നേരിട്ട് ഒരു ഫോണ്‍ അടിയന്തരഘട്ടത്തില്‍ സാറ്റ്ലൈറ്റുമായി ബന്ധിപ്പിക്കാം എന്നത് ഇന്ന് ലോകത്ത് ആര്‍ക്കും നല്‍കാന്‍ കഴിയാത്ത പ്രത്യേകതയാണ്
സന്‍ഫ്രാന്‍സിസ്കോ: ആപ്പിള്‍ ഐഫോണ്‍ 14, ആപ്പിള്‍ ഐഫോണ്‍ 14 പ്ലസ് എന്നിവ പുറത്തിറക്കി. ആപ്പിള്‍ ഐഫോണ്‍ 14 പ്ലസിന് 6.7 ഇഞ്ച് ഒഎല്‍ഇഡി ഡിസ്പ്ലേയാണ് ലഭിക്കുന്നത്.
നേരത്തെ നോച്ച്‌ ആപ്പിള്‍ ഒഴിവാക്കും എന്ന സൂചനയുണ്ടായിരുന്നെങ്കിലും അതില്‍ വ്യത്യാസമൊന്നും ഇല്ല. രണ്ട് മോഡല്‍ ഐഫോണിലും എ15 ബയോണിക് ചിപ്‌സെറ്റിലാണ് പുറത്തിറക്കുന്നത്. ആപ്പിള്‍ ഇത്തവണ ഐഫോണ്‍ 14 സീരീസിലേക്ക് 5-കോര്‍ ജിപിയു കൊണ്ടുവന്നിട്ടുണ്ട്.
ഐഫോണ്‍ 14 പ്ലസ്, ഐഫോണ്‍ 14 ക്യാമറകള്‍ 12എംപി+12എംപി ഇരട്ട ക്യാമറ സജ്ജീകരണത്തിലാണ് എത്തുന്നത്. എന്നാല്‍ പ്രധാന 12എംപി ക്യാമറയ്‌ക്കായി ഒരു വലിയ സെന്‍സര്‍ ഉപയോഗിക്കുന്നുവെന്നാണ് ആപ്പിള്‍ അവകാശവാദം. മെച്ചപ്പെട്ട 12എംപി സെല്‍ഫി ക്യാമറയാണ് ഈ ഫോണുകളില്‍ ആപ്പിള്‍ നല്‍കുന്നത്. മെച്ചപ്പെട്ട ലോ-ലൈറ്റ് പ്രകടനവും ഇത് വാഗ്ദാനം ചെയ്യുന്നു. മുന്‍ ക്യാമറയ്ക്കും ഓട്ടോഫോക്കസ് ലഭിക്കുന്നു. പുതിയ സോഫ്റ്റ്വെയര്‍ അപ്ഡേഷന്‍ വഴി മൂന്ന് ക്യാമറകളിലും ലോ-ലൈറ്റ് പ്രകടനം ഗണ്യമായി മെച്ചപ്പെട്ടതായി ആപ്പിള്‍ പറയുന്നു. ഐഫോണ്‍ 14 ഫോണുകളിലെ വീഡിയോ നിലവാരം മെച്ചപ്പെടുത്തുന്നു. വീഡിയോ കൂടുതല്‍ സ്ഥിരതയുള്ളതാക്കാന്‍ ഒരു പുതിയ ആക്ഷന്‍ മോഡ് ഉള്‍പ്പെടുത്തിയിട്ടുണ്ട്.
അമേരിക്കയില്‍ ഇറങ്ങുന്ന ഐഫോണ്‍ മോഡലിന് ഇനി മുതല്‍ സിം ട്രേ ഉണ്ടാകില്ല. പൂര്‍ണ്ണമായും ഇ-സിം സര്‍വീസില്‍ ആയിരിക്കും ഈ ഫോണ്‍ പ്രവര്‍ത്തിക്കുക എന്നാണ് ആപ്പിള്‍ പറയുന്നത്. വാച്ച്‌ സീരീസ് 8 ല്‍ കാണുന്നതുപോലെ ആപ്പിള്‍ ഐഫോണ്‍ 14, ഐഫോണ്‍ 14 പ്ലസ് എന്നിവയ്ക്കും ക്രാഷ് ഡിറ്റക്ഷന്‍ സംവിധാനം ലഭ്യമാകും.
അതേ സമയം ഐഫോണ്‍ 14 സീരീസിലെ ഏറ്റവും വലിയ പ്രത്യേകത സാറ്റലൈറ്റ് കണക്റ്റിവിറ്റി വഴി ആപ്പിള്‍ എമര്‍ജന്‍സി എസ്‌ഒഎസ് ആണ്. ഐഫോണ്‍ 14, ഐഫോണ്‍ 14 പ്ലസ് എന്നിവ ഈ സവിശേഷതയെ പിന്തുണയ്ക്കും. ഇത് ഇന്ത്യയില്‍ പ്രവര്‍ത്തിക്കുമോ അല്ലെങ്കില്‍ ആപ്പിളിന് ഇതിന് അനുമതി ലഭിക്കുമോ എന്ന് ഞങ്ങള്‍ക്ക് അറിയില്ല. നിലവില്‍ ഇത് കാനഡയിലും യുഎസിലും ലഭിക്കും.
ആപ്പിള്‍ ഐഫോണ്‍ 14-ന്‍റെ വില $799 (63636 രൂപ)യില്‍ ആരംഭിക്കുന്നു. ഐഫോണ്‍ 14 പ്ലസിന് $899 (71601 രൂപ) . സെപ്തംബര്‍ 9 ന് ഫോണുകള്‍ മുന്‍കൂട്ടി ഓര്‍ഡര്‍ ചെയ്യും. ആപ്പിള്‍ ഐഫോണ്‍ 14 സെപ്റ്റംബര്‍ 16 ന് വില്‍പ്പനയ്‌ക്കെത്തും, പ്ലസ് വേരിയന്റ് ഒക്ടോബര്‍ 16 ന് ലഭ്യമാകും. ഇന്ത്യയിലെ റിലീസ് ഡേറ്റ് വ്യക്തമല്ല. എന്നാല്‍ വിലയില്‍ വലിയ വ്യത്യാസം ഉണ്ടാകും.
ആപ്പിള്‍ ഐഫോണ്‍ പ്രോ മോഡലുകള്‍
ഐഫോണ്‍ 14 പ്രോ പുതിയ പര്‍പ്പിള്‍ നിറത്തില്‍ അടക്കമാണ് ഇറങ്ങുന്നത്. എന്നാല്‍ കാപ്സ്യൂള്‍ രൂപത്തിലുള്ള നോച്ചാണ് ഈ ഫോണിന് ഉള്ളത്. അതായത് മികച്ച രീതിയില്‍ ഒരു റീഡിസൈന്‍ ഡിസൈനില്‍ പ്രോ മോഡലില്‍ ആപ്പിള്‍ വരുത്തിയിട്ടുണ്ട് എന്ന് കാണാം.
ഐഫോണ്‍ 14 പ്രോയുടെ നോച്ചിനെ ഡൈനാമിക് ഐലന്‍ഡ് നോച്ച്‌ എന്നാണ് ആപ്പിള്‍ വിളിക്കുന്നത്. നിങ്ങള്‍ ചെയ്യുന്ന പ്രവര്‍ത്തനത്തെയോ നിങ്ങള്‍ തുറന്നിരിക്കാനിടയുള്ള ആപ്പിനെയോ അടിസ്ഥാനമാക്കി അത് മാറും. ഉദാഹരണത്തിന്, മ്യൂസിക് ആപ്പ് തുറന്നിരിക്കുമ്ബോള്‍, നോച്ച്‌ മറ്റൊരു തരത്തിലുള്ള ആനിമേഷന്‍ പ്രദര്‍ശിപ്പിക്കും.
ഐഫോണ്‍ 14 പ്രോ സീരീസില്‍ സ്‌ക്രീനിന്റെ മധ്യത്തിലുള്ള വലിയ ഡാര്‍ക്ക് ബ്ലോക്കില്‍ അലേര്‍ട്ട്, ആല്‍ബം ആര്‍ട്ട്, നിയന്ത്രണങ്ങള്‍ എന്നിവ കാണിക്കുന്ന ഡൈനാമിക് ഐലന്‍ഡ് എന്ന ആശയം സമാരംഭിച്ചുകൊണ്ട് ആപ്പിള്‍ നോച്ചിന്റെ പ്രശ്‌നം ആപ്പിള്‍ അവസരമാക്കി ഉപയോഗിച്ചു എന്നതാണ് സത്യം.
പ്രോ മോഡലുകളുടെ ശേഷി നിര്‍ണ്ണയിക്കുന്നത് ഏറ്റവും പുതിയ എ16 ചിപ്പ് സെറ്റാണ് 2000 നിറ്റ്‌സ് പരമാവധി തെളിച്ചം നല്‍കുന്ന ഡിസ്പ്ലേയാണ് ഈ ഫോണിന്. ഐഫോണ്‍ 14 പ്രോയ്ക്ക് തീര്‍ച്ചയായും വിപണിയിലെ ഏറ്റവും തിളക്കമുള്ള ഡിസ്പ്ലേയാണ് ഇതിലൂടെ അവതരിപ്പിക്കുന്നത്.
ഇതിന് 16 ബില്യണ്‍ ട്രാന്‍സിസ്റ്ററുകളുണ്ട്. കൂടുതല്‍ കാര്യക്ഷമതയ്ക്കായി ഇത് 4എന്‍എം പ്രോസസ്സിലാണ് നിര്‍മ്മിച്ചിരിക്കുന്നത്.ഇതിന് രണ്ട് ഉയര്‍ന്ന പെര്‍ഫോമന്‍സ് കോറുകളും മറ്റ് നാല് എഫിഷന്‍സി കോറുകളും ഉണ്ട്. ഇതിന് ഒരു പുതിയ ഗ്രാഫിക് പ്രൊസ്സര്‍ യൂണിറ്റുണ്ട് ഉണ്ട്. എ16 ന് കൂടുതല്‍ വിപുലമായ ന്യൂറല്‍ എഞ്ചിനോടെയാണ് എത്തുന്നത്.
ആപ്പിള്‍ ഐഫോണ്‍ 14 പ്രോ ക്യാമറയിലേക്ക് വന്നാല്‍. വലിയ നവീകരണത്തിന് തന്നെ ഈ വിഭഗത്തെ ആപ്പിള്‍ വിധേയമാകുന്നു. ഷൂട്ട് ചെയ്യുമ്ബോള്‍ ചിത്രം 12എംപി ആണെങ്കിലും പ്രധാന ക്യാമറ ഇപ്പോള്‍ 48എംപിയാണ്. പോര്‍ട്രെയ്‌റ്റുകള്‍ക്ക് കൂടുതല്‍ അനുയോജ്യമാക്കുന്നതിന് 48എംഎം ഫോക്കല്‍ ലെങ്ത് ലഭിക്കുന്ന 12എംപി ടെലിഫോട്ടോ ക്യാമറയുണ്ട്. ഉപയോക്താക്കള്‍ക്ക് ഇപ്പോള്‍ 48എംപി റെസല്യൂഷനില്‍ ഷൂട്ട് ചെയ്യാന്‍ പ്രോറോ ഫീച്ചര്‍ ഉപയോഗിക്കാം.
എ16 ബയോണിക് പ്രോസസര്‍ ഇപ്പോള്‍ ഐഫോണ്‍ പ്രോ മോഡലുകളില്‍ മാത്രമായി പരിമിതപ്പെടുത്തിയിരിക്കുന്നു, കൂടാതെ 1ഹെര്‍ട്സ് ഡിസ്‌പ്ലേ പുതുക്കല്‍ നിരക്കും 48എംപി ക്വാഡ് പിക്‌സല്‍ സെന്‍സറുള്ള ആംപ്‌ഡ് അപ്പ് ക്യാമറയും ഉള്‍പ്പെടെ നിരവധി പുതിയ കാര്യങ്ങള്‍ ഐഫോണ്‍ 14 പ്രോയില്‍ സാധ്യമാകുന്നു, അടുത്തിടെ ഐഫോണ്‍ മോഡലില്‍ ഉണ്ടായ ഏറ്റവും വലിയ മാറ്റമാണ് ഇത്.
ആപ്പിള്‍ ഐഫോണ്‍ 14 പ്രോ $999 ലും പ്രോ മാക്‌സ് $1099 നും ലഭിക്കും. ആപ്പിള്‍ വില വര്‍ധിപ്പിച്ചിട്ടില്ല. ഇന്ത്യയിലെ വിലകള്‍ ഇതുവരെ പുറത്തുവന്നിട്ടില്ല, പക്ഷേ അവ ഉടന്‍ തന്നെ പുറത്തറിയും.
