യൂറോപ്പുമായി മാൾട്ടയെ ബന്ധിപ്പിക്കുന്ന മൂന്നാമത്തെ ഇന്റർകണക്ടറിനായി സർക്കാർ ടെൻഡർ പുറപ്പെടുവിച്ചു

മാൾട്ടയുടെ മൂന്നാമത്തെ ഇന്റർകണക്ടറിനായി സർക്കാർ ടെൻഡർ പുറപ്പെടുവിച്ചു. യൂറോപ്പുമായി മാൾട്ടയെ ബന്ധിപ്പിക്കുന്ന മൂന്നാമത്തെ വൈദ്യുതി ഇന്റർകണക്റ്ററിന്റെ അടിസ്ഥാന എഞ്ചിനീയറിംഗ് പ്രവർത്തനങ്ങൾക്കായി സർക്കാർ ടെൻഡർ പുറപ്പെടുവിച്ചത്ത്. ഇതോടെ, ദ്വീപിനെ നേരിട്ട് ഇറ്റലിയുടെ ദേശീയ വൈദ്യുതി ഗ്രിഡുമായി ബന്ധിപ്പിക്കുന്ന പുതിയ ഹൈ-വോൾട്ടേജ് കേബിൾ പദ്ധതിയുടെ വികസനത്തിലെ ആദ്യ ഔപചാരിക ചുവടുവയ്പ്പാണിത്.

സർക്കാരിന്റെ ഊർജ്ജ ദർശന രേഖയായ മാൾട്ടയുടെ ഊർജ്ജ മാറ്റം: ഒരു സുസ്ഥിര വൈദ്യുതി പരിവർത്തനത്തിന്റെ ഉദ്ഘാടന വേളയിൽ ഐ.സി.3 പദ്ധതിയുടെ പ്രഖ്യാപനത്തെ തുടർന്നാണ് ഈ നീക്കം.

“ഈ പദ്ധതികളെ മാൾട്ടയുടെ കാർബൺ-ന്യൂട്രൽ സമ്പദ്‌വ്യവസ്ഥയിലേക്കുള്ള മാറ്റത്തിന്റെ അടിത്തറയായാണ് ഞങ്ങൾ കാണുന്നത്,” എന്ന് പരിസ്ഥിതി, ഊർജം, പൊതുശുചിത്വ മന്ത്രി മിറിയം ഡാലി പറഞ്ഞു.

വൈവിധ്യമാർന്ന കണക്ഷൻ പോയിന്റുകൾ വഴിയുള്ള കൂടുതൽ ഇന്റർകണക്റ്റിവിറ്റി ഈ പദ്ധതിയിലൂടെ സാധ്യമാകുമെന്ന് അവർ പറഞ്ഞു. ഇതിലൂടെ പുതുക്കാവുന്ന ഊർജ സ്രോതസ്സുകളിൽ നിന്ന് കൂടുതൽ വൈദ്യുതി ഇറക്കുമതി ചെയ്യാനും ഹരിതഗൃഹ വാതക ഉത്സർജനം കുറയ്ക്കാനും കഴിയും. കൂടാതെ, വലിയ തോതിലുള്ള ഓഫ്‌ഷോർ പുതുക്കാവുന്ന ഊർജ പദ്ധതികളെ മാൾട്ടയുടെ വൈദ്യുതി ഗ്രിഡുമായി ബന്ധിപ്പിക്കുമ്പോൾ ഗ്രിഡിൽ അസ്ഥിരതയോ ബാലൻസിംഗ് പ്രശ്നങ്ങളോ ഉണ്ടാകാതിരിക്കാൻ ഇത് സഹായിക്കും. വൈവിധ്യമാർന്ന, ശുദ്ധവും ചെലവുകുറഞ്ഞതുമായ വൈദ്യുതി മേഖലയെന്ന സർക്കാരിന്റെ ദർശനവുമായി ഈ പദ്ധതികൾ ഒത്തൊരുമിക്കുന്നതാണെന്നും അവർ കൂട്ടിച്ചേർത്തു.

പുതിയ കേബിൾ ആദ്യ രണ്ടു ഇന്റർകണക്റ്ററുകളെക്കാൾ പല കാര്യങ്ങളിലും വ്യത്യസ്തമായിരിക്കും. IC1, IC2 എന്നിവ 220kV-ൽ പ്രവർത്തിക്കുമ്പോൾ IC3 380kV-ൽ പ്രവർത്തിക്കും. ഇത് നേരിട്ട് ഇറ്റലിയുടെ ദേശീയ ഗ്രിഡ് ശൃംഖലയുമായി ബന്ധിപ്പിക്കപ്പെടുന്നതിനാൽ, മാൾട്ടയ്ക്ക് യൂറോപ്യൻ വൈദ്യുതി വിപണിയിലേക്കുള്ള കൂടുതൽ നേരിട്ടുള്ള പ്രവേശനം ലഭിക്കും.

കൂടാതെ, ഹൈ-വോൾട്ടേജ് ഡയറക്ട് കറന്റ് (HVDC) സാങ്കേതികവിദ്യ ഉപയോഗിക്കുന്ന മാൾട്ടയിലെ ആദ്യ പദ്ധതി കൂടിയാകും ഇത്. ദീർഘദൂരങ്ങളിലേക്ക് വൈദ്യുതി കൈമാറാനുള്ള പുതിയ രീതിയാണ് എച്ച് വി ഡി സി.

IC3 പദ്ധതി ആദ്യം 200 മെഗാവാട്ട് ശേഷിയോടെയാണ് രൂപകൽപ്പന ചെയ്തിരിക്കുന്നത്. പിന്നീട് ഇത് 400 മെഗാവാട്ടായി വികസിപ്പിക്കാനുള്ള സാധ്യതയും ഉണ്ട്. 2026-ലെ ENTSO-E പത്ത് വർഷത്തെ നെറ്റ്‌വർക്ക് വികസന പദ്ധതിയിൽ (Ten-Year Network Development Plan) ഇതിനകം ഈ പദ്ധതി ഉൾപ്പെടുത്തിയിട്ടുണ്ട്. യൂറോപ്യൻ യൂണിയൻ ഫണ്ടിംഗ് നേടാൻ സഹായിക്കുന്ന Project of Common Interest പദവി ലഭിക്കുന്നതിനുള്ള പ്രധാന ഘട്ടമാണിത്.

ഈ ടെൻഡർ ഒരു പ്രധാന നാഴികക്കല്ലാണെന്ന് ഇൻക്. ഇന്റർകണക്ട് മാൾട്ടയുടെ ചീഫ് എക്സിക്യൂട്ടീവ് ഇസ്മായിൽ ഡി’അമാറ്റോ പറഞ്ഞു. “ഈ ടെൻഡർ പുറപ്പെടുവിച്ചതോടെ മാൾട്ടയുടെ മൂന്നാമത്തെ വൈദ്യുതി ഇന്റർകണക്റ്ററിന്റെ അടിസ്ഥാന എഞ്ചിനീയറിംഗ് ഘട്ടം ആരംഭിക്കുന്നു. ഇത് പദ്ധതിയുടെ രൂപകൽപ്പനക്കും അനുമതി നടപടികൾക്കും മാർഗ്ഗനിർദ്ദേശമാകും,” എന്ന് അദ്ദേഹം പറഞ്ഞു.

200 മെഗാവാട്ട് ശേഷിയോടെ ആരംഭിച്ച് 400 മെഗാവാട്ടായി വികസിപ്പിക്കാനാകുന്ന ആധുനികവും സാവകാശവുമായ ഒരു വൈദ്യുതി ബന്ധം ഈ പദ്ധതി സൃഷ്ടിക്കുമെന്ന് അദ്ദേഹം വ്യക്തമാക്കി. ഏറ്റവും മികച്ച സാങ്കേതികവിദ്യകളും മാർഗ്ഗങ്ങളും ഉപയോഗിച്ച് വിശ്വാസ്യതയും കാര്യക്ഷമതയും ഉറപ്പാക്കുകയും, മാൾട്ടയുടെ ഊർജവിതരണം ശക്തിപ്പെടുത്തുകയും പുതുക്കാവുന്ന ഊർജ വികസനത്തെ പിന്തുണയ്ക്കുകയും ചെയ്യുന്നതാണ് പദ്ധതിയുടെ ലക്ഷ്യമെന്നും അദ്ദേഹം കൂട്ടിച്ചേർത്തു.