റാപ്പിഡ് ഇന്റർവെൻഷൻ പോലീസിനും റോഡ് പോലീസിംഗ് യൂണിറ്റിനും പുതിയ കാറുകൾ
റാപ്പിഡ് ഇന്റർവെൻഷൻ പോലീസിനും റോഡ് പോലീസിംഗ് യൂണിറ്റിനും പുതിയ കാറുകൾ. പോലീസിന് വേണ്ടി 36 പുതിയ കാറുകളും വാനുകളും ഉൾപ്പെടുന്ന ഒരു ഫ്ലീറ്റ് അനുവദിച്ചിരിക്കുനത്ത്. അതിൽ 30 എണ്ണം റാപിഡ് ഇന്റർവെൻഷൻ യൂണിറ്റിന് (RIU)യും ആറു എണ്ണം റോഡ് പോളിസിംഗ് യൂണിറ്റിനും അനുവദിച്ചു.
€2 മില്യൺ രൂപയുടെ ഈ നിക്ഷേപം ഇരു യൂണിറ്റുകളുടെയും വാഹനങ്ങളുടെ എണ്ണം ഇരട്ടിയാക്കുകയും, രാജ്യത്തുടനീളം പോലീസിന്റെ കഴിവും സാന്നിധ്യവും ഗണ്യമായി വർധിപ്പിക്കുകയും ചെയ്തതായി ആഭ്യന്തരകാര്യ മന്ത്രാലയം അറിയിച്ചു.
പുതിയ വാഹനങ്ങൾ ആഭ്യന്തരകാര്യ മന്ത്രി ബൈറൺ കാമില്ലേരി, യൂറോപ്യൻ യൂണിയൻ ഫണ്ട്സ് മന്ത്രി സ്റ്റീഫൻ സ്രിൻസോ അസ്സോപാർഡി എന്നിവർ പങ്കെടുത്ത ചടങ്ങിൽ ഉദ്ഘാടനം ചെയ്തു.
പൊതുജനങ്ങൾക്ക് സുരക്ഷിതത്വത്തിന്റെ ഒരു സന്ദേശം നൽകുന്നതിന് പോലീസിന്റെ കൂടുതൽ ദൃശ്യസാന്നിധ്യം സഹായിക്കുന്നതും കുറ്റകൃത്യങ്ങൾക്ക് ഒരു തടസ്സമായും പ്രവർത്തിക്കുന്നതുമാണെന്ന് കാമില്ലേരി പറഞ്ഞു.
എന്നാൽ, യൂറോപ്പിൽ ഏറ്റവും സുരക്ഷിതമായ രാജ്യവും ലോകത്തിലെ സുരക്ഷിത രാജ്യങ്ങളിൽ ഒന്നുമാണ് മാൾട്ടയെന്നും കുറ്റനിരക്ക് ചരിത്രപരമായി ഏറ്റവും താഴ്ന്ന നിലയിലാണ് എന്നും അദ്ദേഹം കൂട്ടിച്ചേർത്തു.
റാപിഡ് ഇന്റർവെൻഷൻ യൂണിറ്റിനുള്ള 30 പ്രത്യേക വാഹനങ്ങളിൽ 16 എണ്ണം യൂറോപ്യൻ യൂണിയൻ ഫണ്ടുകൾ ഉപയോഗിച്ചാണ് വാങ്ങിയതെന്ന് സ്രിൻസോ പറഞ്ഞു.
കഴിഞ്ഞ ഒരു വർഷത്തിനിടെ ആർഐയു ഉദ്യോഗസ്ഥർ 612,000 കിലോമീറ്ററിലധികം പട്രോളിംഗ് നടത്തി. കൂടാതെ, 3,400-ത്തിലധികം റോഡ് പരിശോധനകളും നടത്തി — മുൻ വർഷങ്ങളുമായി താരതമ്യപ്പെടുത്തുമ്പോൾ ഇത് വലിയ വർധനയാണെന്ന് പോലീസ് കമ്മീഷണർ ആൻജലോ ഗഫാ പറഞ്ഞു.
