ഗോസോയിലെ സാഗ്രയിലുള്ള ടാ’ കോള കാറ്റാടി മില്ല് തകർന്നുവീണ് നാല് പേർക്ക് പരിക്ക്

ഗോസോയിലെ സാഗ്രയിലുള്ള ടാ’ കോള കാറ്റാടി മില്ല് തകർന്നുവീണ് നാല് പേർക്ക് പരിക്കേറ്റു. ഇന്ന് രാവിലെ ചരിത്രപ്രസിദ്ധമായ ടാ’ കോള കാറ്റാടി മില്ലിന്റെ ഒരു ഭാഗം തകർന്നുവീണത്ത്. ഹെറിറ്റേജ് മാൾട്ടയുടെ കീഴിൽ എത്‌നോഗ്രാഫിക് മ്യൂസിയമായി പ്രവർത്തിക്കുന്ന പ്രശസ്ത വിനോദസഞ്ചാര കേന്ദ്രത്തിലാണ് സംഭവം നടന്നത്. 1725-ൽ നൈറ്റ്‌സ് ഓഫ് സെന്റ് ജോണിന്റെ കാലത്ത് നിർമ്മിച്ച പ്രധാന സാംസ്കാരിക നാഴികക്കല്ലാണ് കാറ്റാടി മില്ല്. ഗോസോയിലെ ഇത്തരത്തിലുള്ള ഒരേയൊരു പ്രവർത്തനക്ഷമമായ മില്ലാണിത്. €70,000 ചിലവഴിച്ച വിപുലമായ, മൂന്ന് വർഷത്തെ പുനരുദ്ധാരണ പദ്ധതിക്ക് ശേഷം, 2016 സെപ്റ്റംബറിലാണ് കാറ്റാടി മില്ല് പൊതുജനങ്ങൾക്കായി വീണ്ടും തുറന്നുകൊടുത്തത്. പുനരുദ്ധാരണത്തിൽ യഥാർത്ഥ തടി മില്ലിംഗ് സംവിധാനവും ഘടനയും പൂർണ്ണ പ്രവർത്തന നിലയിലേക്ക് തിരികെ കൊണ്ടുവന്നിരുന്നു. തകർച്ചയുടെ കാരണവും കാറ്റാടി മില്ലിന് സംഭവിച്ച നാശത്തിന്റെ വ്യാപ്തിയെക്കുറിച്ചും അന്വേഷണം പുരോഗമിക്കുന്നു.