50 പുരുഷ നഴ്സുമാരെ യു.എ.ഇലേക്ക് ഒഡെപെക് വഴി അഭിമുഖത്തിലൂടെ റിക്രൂട്ട് ചെയ്യുന്നു
തിരുവനന്തപുരം : യു എ ഇയിലെ പ്രമുഖ ആശുപത്രി ഗ്രൂപ്പിലേക്ക് പുരുഷ നഴ്സുമാരെ റിക്രൂട്ട് ചെയ്യുന്നു. കേരള സർക്കാകർ സ്ഥാപനമായ ഒഡെപെക് വഴി അഭിമുഖത്തിലൂടെയാണ് നിയമനം നടത്തുന്നത്. ബി.എസ്.സി നഴ്സിങ് ആണ് അടിസ്ഥാന യോഗ്യത. അകെ 50 ഒഴിവുകളാണ് ഉള്ളത്. അഭിമുഖം നടക്കുന്നത് സെപ്റ്റംബർ 26നാണ്.
തസ്തിക : ഇൻഡസ്ട്രിയൽ നഴ്സ്
യോഗ്യത : ബി.എസ്.സി നഴ്സിങ് / പോസ്റ്റ് ബേസിക് ബി.എസ്.സി നഴ്സിങ്
പ്രവൃത്തിപരിചയം : കുറഞ്ഞത് 2 വർഷത്തെ പ്രവൃത്തിപരിചയം
ICU, എമർജൻസി, അർജൻ്റ് കെയർ, ക്രിട്ടിക്കൽ കെയർ, ഓയിൽ ആൻഡ് ഗ്യാസ് നഴ്സിംഗ് മേഖലകളിലെ പരിചയത്തിന് മുൻഗണന.
പ്രായപരിധി : 40 വയസിനു താഴെ
ശമ്പളം : 5,000 യുഎഇ ദിർഹം
ജോലി സമയം : 60 മണിക്കൂർ (ആഴ്ച)
മറ്റ് ആനുകൂല്യങ്ങൾ
തെരഞ്ഞെടുക്കപ്പെടുന്നവർക്ക് കമ്പനി താമസം, യാത്ര,വിസ, വിമാനടിക്കറ്റ് , മെഡിക്കൽ ഇൻഷുറൻസ് എന്നി ആനുകൂല്യങ്ങൾ ലഭിക്കും. വർഷത്തിൽ ഒരു മാസം ശമ്പളത്തോട് കൂടിയ അവധിയും ലഭിക്കും.
അഭിമുഖം സംബന്ധിച്ച വിവരങ്ങൾ
നിയമനം നടത്തുന്ന സ്ഥാപനം : റെസ്പോൺസ് പ്ലസ് മാൻപവർ സപ്ലൈ LLC
അഭിമുഖ തീയതി : 26/09/2026
റിപ്പോർട്ട് ചെയ്യേണ്ട സമയം : രാവിലെ 8 മുതൽ 10 വരെ
അഭിമുഖ സമയം : രാവിലെ 8.30 മുതൽ ആരംഭിക്കുന്നു
സ്ഥലം : ODEPC ഓഫീസ്, വഴുതക്കാട്, തിരുവനന്തപുരം
അഭിമുഖ രീതി : നേരിട്ടുള്ള അഭിമുഖം
ഉദ്യോഗാർത്ഥികൾ സമർപ്പിക്കേണ്ട രേഖകൾ
അപ്ഡേറ്റ് ചെയ്ത സി.വി
പാസ്പോർട്ടിന്റെ അസ്സലും ഒരു പകർപ്പും
വിദ്യാഭ്യാസ/പ്രൊഫഷണൽ സർട്ടിഫിക്കറ്റുകളുടെ അസ്സലും പകർപ്പുകളും
പ്രവൃത്തിപരിചയ സർട്ടിഫിക്കറ്റുകൾ
മറ്റ് രേഖകൾ, സാധുതയുള്ള പ്രൊഫഷണൽ ലൈസൻസ്/രജിസ്ട്രേഷൻ (Dataflow, HAAD/DOH, BLS, ACLS തുടങ്ങിയവ).
ശ്രദ്ധിക്കേണ്ട കാര്യങ്ങൾ
നിയമനം നടത്തുന്ന തൊഴിലുടമയുടെ അഭിമുഖവും റിക്രൂട്ട്മെന്റ് മാനദണ്ഡങ്ങളും അടിസ്ഥാനമാക്കിയായിരിക്കും തിരഞ്ഞെടുപ്പ്
മടക്കയാത്രയ്ക്കുള്ള ബസ്/ട്രെയിൻ സമയം അല്ലെങ്കിൽ മറ്റ് വ്യക്തിപരമായ കാരണങ്ങൾ ചൂണ്ടിക്കാട്ടി അഭിമുഖത്തിനായുള്ള ക്യൂവിൽ മുൻഗണന ആവശ്യപ്പെടുന്നത് അനുവദിക്കുന്നതല്ല.
അഭിമുഖം ആരംഭിച്ചുകഴിഞ്ഞാൽ, അഭിമുഖ നടപടിക്രമങ്ങളിൽ വരുത്തുന്ന മാറ്റങ്ങൾ പൂർണ്ണമായും വിദേശ തൊഴിലുടമയുടെ തീരുമാനത്തിന് വിധേയമായിരിക്കും.
