കേരളം
സാങ്കേതിക തകരാര് : ഷാര്ജ- കോഴിക്കോട് എയര് അറേബ്യ വിമാനത്തിന് കൊച്ചിയില് അടിയന്തര ലാന്ഡിങ്
കൊച്ചി : ഷാര്ജയില് നിന്ന് കോഴിക്കോട്ടേക്ക് പുറപ്പെട്ട എയര് അറേബ്യ വിമാനം (G9 454) കൊച്ചിയില് അടിയന്തരമായി ലാന്ഡ് ചെയ്തു. വിമാനത്തിന്റെ എന്ജിനില് സാങ്കേതിക പ്രശ്നങ്ങള് കണ്ടെത്തിയതിനു പിന്നാലെയാണ് സംഭവം. യാത്രക്കാരും ജീവനക്കാരും സുരക്ഷിതരാണെന്ന് അധികൃതര് അറിയിച്ചു.
ഇന്ന് പുലര്ച്ചെയാണ് സംഭവം. സാങ്കേതിക പ്രശ്നങ്ങള് കണ്ടെത്തിയതിനെ തുടര്ന്ന് വിമാനം കൊച്ചിയിലേക്കു വഴിതിരിച്ച് വിടുകയായിരുന്നു. തുടര്ന്നായിരുന്നു വിമാനം കൊച്ചിയില് അടിയന്തരമായി ലാന്ഡ് ചെയ്തത്. 170 യാത്രക്കാരാണ് വിമാനത്തിലുണ്ടായിരുന്നത്. സുരക്ഷാ പരിശോധനകള്ക്കു ശേഷം വിമാനം കൊച്ചിയില് നിന്ന് കോഴിക്കോട്ടേക്ക് പോയി.
