സുരക്ഷാ മുൻകരുതൽ : ഫാർമസികളിലൂടെ സൗജന്യമായി വിതരണം ചെയ്ത ഡോൾഫിൻ കളിപ്പാട്ടം തിരികെ വിളിച്ച് എംസിസിഎഎ

ഫാർമസികളിലൂടെ സൗജന്യമായി വിതരണം ചെയ്ത ഡോൾഫിൻ കളിപ്പാട്ടം സുരക്ഷാ പ്രശ്നങ്ങൾ കാരണം തിരികെ വിളിച്ച് എംസിസിഎഎ. സ്റ്റെറിമർ ബ്രാൻഡിന്റെ പേരിൽ വിതരണം ചെയ്ത ഡോൾഫിൻ രൂപത്തിലുള്ള സോഫ്റ്റ് ടോയ് സുരക്ഷാ പ്രശ്നങ്ങൾ കാരണം തിരികെ വിളിച്ചത്ത്. കളിപ്പാട്ടം കണ്ണ് ഭാഗങ്ങൾ എളുപ്പത്തിൽ വേർപെടാൻ സാധ്യതയുള്ളതിനാൽ ചെറിയ കുട്ടികൾക്ക്, പ്രത്യേകിച്ച് ശിശുക്കൾക്ക്, ശ്വാസംമുട്ടൽ അപകടം ഉണ്ടാകാമെന്ന് മാൾട്ട കോംപറ്റീഷൻ ആൻഡ് കൺസ്യൂമർ അഫയേഴ്‌സ് അതോറിറ്റി ഉപഭോക്താക്കൾക്ക് മുന്നറിയിപ്പ് നൽകി.

കളിപ്പാട്ടത്തിലെ കണ്ണ് ഘടകങ്ങൾ വേർപെടാൻ സാധ്യതയുള്ളതിനാൽ, പ്രത്യേകിച്ച് ശിശുക്കൾക്കും ചെറുപ്പക്കാർക്കും ഇത് ശ്വാസംമുട്ടൽ അപകടം സൃഷ്ടിക്കാം. “ഈ പ്രശ്നത്തെ തുടർന്ന് വിതരണം നിർത്താനും ഫാർമസികളെ അറിയിക്കാനും ആവശ്യമായ എല്ലാ നടപടികളും സ്വീകരിച്ചിട്ടുണ്ട്,” അധികൃതർ വ്യക്തമാക്കി. ഇത് ഒരു മുൻകരുതൽ സുരക്ഷാ നടപടിയാണ്. ഉപഭോക്താക്കൾ ഈ കളിപ്പാട്ടം ഉടൻ ഉപയോഗിക്കുന്നത് നിർത്തി സുരക്ഷിതമായി ഉപേക്ഷിക്കണം എന്നും ഇത് സൗജന്യമായി നൽകിയ പ്രമോഷണൽ ഉൽപ്പന്നമായതിനാൽ, ഇതുമായി ബന്ധപ്പെട്ട പരിഹാരങ്ങൾ (റിഫണ്ട് മുതലായവ) ലഭ്യമല്ല. ഉപഭോക്താക്കൾ സാധനങ്ങൾ വാങ്ങുന്നതിന് മുമ്പ് അവ അപകടകാരികളായി പട്ടികപ്പെടുത്തിയിട്ടുണ്ടോ എന്ന് പരിശോധിക്കാൻ സേഫ്റ്റി ഗേറ്റ് പ്ലാറ്റ്ഫോം ഉപയോഗിക്കണമെന്ന് എംസിസിഎഎ പ്രസ്താവനയിൽ പറഞ്ഞു.

ഈ ഉൽപ്പന്നവുമായി ബന്ധപ്പെട്ട ചോദ്യങ്ങൾ [email protected] എന്ന ഇമെയിൽ വിലാസത്തിൽ മാർക്കറ്റ് സർവെയ്ലൻസ് ഡയറക്ടറേറ്റിനെ സമീപിച്ച് അറിയിക്കാവുന്നതാണ്.