വിവി പാറ്റ് മുഴുവൻ എണ്ണുമോ ? സുപ്രീംകോടതി ഡിവിഷൻ ബെഞ്ച് വിധി ഇന്ന്
ന്യൂഡൽഹി: ഇലക്ട്രോണിക് വോട്ടിംഗ് യന്ത്രത്തിലെ വോട്ടുകള്‍ എണ്ണുന്നതിനൊപ്പം മുഴുവന്‍ വിവിപാറ്റുകളിലേയും സ്ലിപ്പുകളും എണ്ണണമെന്ന്‌ ആവശ്യപ്പെട്ടുള്ള ഹര്‍ജികളില്‍ സുപ്രീം കോടതി ഇന്ന് വിധി പ്രസ്താവിക്കും.ജസ്റ്റീസുമാരായ സഞ്ജീവ് ഖന്ന, ദിപാങ്കര്‍ ദത്ത എന്നിവരടങ്ങിയ ബെഞ്ചാണ് വിധി പ്രസ്താവിക്കുന്നത്. രണ്ട് ജഡ്ജിമാരും പ്രത്യേകം വിധികളാണ് പ്രസ്താവിക്കുക.
ഒരു ജഡ്ജിയുടെ വിധിയോട് യോജിച്ചുകൊണ്ടോ വിയോജിച്ചുകൊണ്ടോ ആകാം രണ്ടാമത്തെ ജഡ്ജിയുടെ വിധി. ഭിന്നവിധി ആണെങ്കില്‍ ഹര്‍ജികള്‍ ഉയര്‍ന്ന ബെഞ്ചിന്‍റെ പരിഗണനയ്ക്ക് പോയേക്കാം.കേവലം സംശയത്തിന്‍റെ അടിസ്ഥാനത്തില്‍ ഇലക്ട്രാണിക് വോട്ടിംഗ് യന്ത്രം ഉപയോഗിച്ചുള്ള വോട്ടെടുപ്പ് രീതിക്കെതിരേ ഉത്തരവിറക്കാന്‍ കഴിയില്ലെന്ന് സുപ്രീം കോടതി വാദംകേള്‍ക്കലിനിടയില്‍ നിരീക്ഷിച്ചിരുന്നു.നിലവില്‍ ഓരോ അസംബ്ലി മണ്ഡലങ്ങളിലെയും അഞ്ച് ബൂത്തുകളില്‍നിന്നുള്ള വിവിപാറ്റുകളാണ് എണ്ണുന്നത്.
