അന്തർദേശീയം
അമേരിക്കന്‍ വ്യോമസേനാഭ്യാസത്തിനിടെ വിമാനങ്ങള്‍ കൂട്ടിയിടിച്ചു; ആറ് പേര്‍ മരണപ്പെട്ടെന്ന് റിപ്പോര്‍ട്ട്
അമേരിക്കയിലെ വ്യോമസേനാഭ്യാസത്തിനിടെ രണ്ട് വിമാനങ്ങള്‍ കൂട്ടിയിടിച്ചു. ടെക്സസിലെ ഡാലസ് എക്സിക്യൂട്ടിവ് എയര്‍പോര്‍ട്ടില്‍ ശനിയാഴ്ചയാണ് സംഭവം.
കൂട്ടിയിടിച്ച വിമാനങ്ങള്‍ രണ്ടും മുഴുവനായും കത്തിയെരിഞ്ഞു. ഇരു വിമാനങ്ങളിലെ ജീവനക്കാരും മരണപ്പെട്ടു എന്നാണ് റിപ്പോര്‍ട്ടുകള്‍. രണ്ട് വിമാനങ്ങളിലുമായി ആറ് പേരാണ് ഉണ്ടായിരുന്നത്. അപകടത്തിന്‍്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്.
ബി-17 ബോംബറും ബെല്‍ പി-63 കിംഗ് കോബ്രയും തമ്മിലാണ് കൂട്ടിമുട്ടിയത്. ബെല്‍ പി-63 കിംഗ് കോബ്ര തന്‍്റെ റൂട്ട് തെറ്റിക്കുന്നതായി വിഡിയോയില്‍ കാണാം. രണ്ടാം ലോക മഹായുദ്ധത്തില്‍ ഉപയോഗിക്കപ്പെട്ട വിമാനങ്ങളിലൊന്നായിരുന്നു ബി-17 ബോംബര്‍.
