ഗോസോയിൽ പുതിയ ആരോഗ്യ കേന്ദ്രം ഉദ്ഘാടനം ചെയ്ത് ആരോഗ്യമന്ത്രി
ഗോസോയ്ക്ക് പുതിയ ആരോഗ്യ കേന്ദ്രം. മുമ്പ് പ്രധാന പ്രാഥമികാരോഗ്യ കേന്ദ്രമായി പ്രവർത്തിച്ചിരുന്ന ഈ കേന്ദ്രം ഇപ്പോൾ നവീകരിച്ച് രണ്ട് പോഡിയാട്രി ക്ലിനിക്കുകളും ആരോഗ്യ നിയന്ത്രണ സേവനങ്ങളുടെ ഓഫിസും ഉൾക്കൊള്ളുന്ന രീതിയിലാണ് മാറ്റിയിരിക്കുന്നതെന്ന് പദ്ധതിയുടെ ഉദ്ഘാടനം സമയത്ത്, ആരോഗ്യ മന്ത്രി ജോ എറ്റിയൻ അബേല വ്യക്തമാക്കി.
ഈ കേന്ദ്രത്തോടൊപ്പം ഗോസോയിൽ “അതോറിറ്റി ഫോർ സ്റ്റാൻഡേർഡ്സ് ഫോർ ഓൾഡർ പേഴ്സൺസ് (OPSA)”യും പബ്ലിക് ഹെൽത്ത് സൂപ്രണ്ടിന്റെ ഓഫീസും ആരംഭിക്കുന്നതാണെന്ന് അബേല പറഞ്ഞു.
ഗോസോയിൽ പോഡിയാട്രി സേവനങ്ങൾക്ക് ആവശ്യകത തുടർച്ചയായി വർധിച്ചുകൊണ്ടിരിക്കുകയാണെന്ന് അബേല വ്യക്തമാക്കി. ഒരു വർഷത്തിനിടെ ഗോസോയിലെ ടീം 14,000-ത്തിലധികം രോഗികളെ ചികിത്സിക്കുന്നുവെന്നും അതിനാൽ ഈ ക്ലിനിക്കുകൾ സേവനത്തിന്റെ ഗുണമേന്മ മെച്ചപ്പെടുത്തുകയും ഗോസോയിലെ റബാത്തിലെ പ്രാഥമികാരോഗ്യ കേന്ദ്രത്തിൽ റേഡിയോഗ്രാഫി സേവനങ്ങൾക്ക് കൂടുതൽ സ്ഥലം ലഭ്യമാക്കുകയും ചെയ്യുമെന്ന് അദ്ദേഹം പറഞ്ഞു.
“വിഷൻ 2050” ലക്ഷ്യത്തിലേക്ക് സർക്കാർ നടത്തിയ പ്രവർത്തനങ്ങളുടെ ഫലമാണ് ഈ കേന്ദ്രം. ഗോസോയിലെ ജനങ്ങൾക്ക് കൂടുതൽ ആരോഗ്യ സേവനങ്ങൾ അടുത്തെത്തിക്കാൻ ഞങ്ങൾ തുടരും. ഉയർന്ന നിലവാരത്തിലുള്ള സേവനങ്ങൾ നൽകുകയും പുതുതായി സേവനങ്ങൾ അവതരിപ്പിക്കുകയും ചെയ്യും, ഇതുവഴി ഗോസോയിലെ രോഗികൾക്ക് അവിടെയേയ്ക്ക് തന്നെ കൂടുതൽ ചികിത്സ ലഭ്യമാകും,” അബേല പറഞ്ഞു.
അതേസമയം, ഗോസോയിലെ 14,000 പോഡിയാട്രി രോഗികളിൽ ഏകദേശം 5,000 പേർക്ക് ഈ പുതിയ കേന്ദ്രത്തിൽ നിന്നുതന്നെ ചികിത്സ ലഭ്യമാക്കാൻ സാധിക്കുമെന്ന് പ്രാഥമികാരോഗ്യ വിഭാഗത്തിന്റെ ചീഫ് എക്സിക്യൂട്ടീവ് ഓഫീസറായ കാർൽ ഫറൂജിയ പറഞ്ഞു.
