ഐഡന്റിറ്റി മാൾട്ട 2024ൽ 500 ഓൺ ഫീൽഡ്- ഓഫ് ഫീൽഡ് അന്വേഷണങ്ങൾ നടത്തിയെന്ന് കണക്കുകൾ
റെസിഡൻസി ഏജൻസിയായ ഐഡന്റിറ്റി കഴിഞ്ഞ വർഷം ഏകദേശം 500 അന്വേഷണങ്ങൾ നടത്തിയെന്ന് കണക്കുകൾ. 2023 ൽ നടത്തിയതിനേക്കാൾ രണ്ടര മടങ്ങ് കൂടുതലാണിതെന്നാണ് റിപ്പോർട്ട് . 2024 ലെ ഏജൻസിയുടെ വാർഷിക റിപ്പോർട്ടിൽ പോലീസ് റിപ്പോർട്ടുകൾ, വ്യാജ രേഖകൾ, കാലഹരണപ്പെട്ട താമസം, വിലാസം, വിസ പ്രശ്നങ്ങൾ എന്നിവയുമായി ബന്ധപ്പെട്ട അന്വേഷണങ്ങൾ കഴിഞ്ഞ വർഷം 493 ൽ എത്തിയതായി ഐഡന്റിറ്റി ചൂണ്ടിക്കാട്ടി. കഴിഞ്ഞ വർഷം നടത്തിയ 197 അന്വേഷണങ്ങളുടെ രണ്ടര ഇരട്ടിയായിരുന്നു അത് എന്ന് റിപ്പോർട്ട് കാണിക്കുന്നു.നിർമ്മാണം, ഹോസ്പിറ്റാലിറ്റി, റെസിഡൻഷ്യൽ അക്കോമഡേഷൻ എന്നിവയുൾപ്പെടെ വിവിധ മേഖലകളിലായി ഏജൻസി മൊത്തം 215 ഫീൽഡ് പരിശോധനകൾ നടത്തി, കൂടുതൽ അന്വേഷണത്തിനായി 169 പേരെ കസ്റ്റഡിയിലെടുത്തു.കഴിഞ്ഞ വർഷം പരിശോധനകൾ വർദ്ധിച്ചു മാത്രമല്ല; മാൾട്ടീസ് പൗരന്മാർക്ക് ഏകദേശം 84,000 പുതിയ തിരിച്ചറിയൽ കാർഡുകൾ നൽകിയിട്ടുണ്ടെന്ന് ഐഡന്റിറ്റി അഭിപ്രായപ്പെട്ടു. ഇത് കഴിഞ്ഞ വർഷത്തെ ഇരട്ടിയിലധികമാണ്.
