ദേശീയം
ജമ്മുവിലെ രജൗരിയിൽ സൈനിക വാഹനത്തിന് നേരെ ഭീകരാക്രമണം
ശ്രീനഗര്‍ : ജമ്മു കശ്മീരിലെ രജൗരിയില്‍ സൈനിക വാഹനത്തിന് നേരെ ഭീകരാക്രമണം. ഉച്ചക്ക് ഒരുമണിയോടെ സുന്ദര്‍ബനി മേഖലയില്‍ കരസേനയുടെ വാഹനത്തിനുനേരെ ഭീകരര്‍ വെടിയുതിർത്തത്.സേനാംഗങ്ങള്‍ക്ക് പരിക്കേറ്റതായി വിവരമില്ല. തിരച്ചിലിനായി കൂടുതല്‍ സേനയെ പ്രദേശത്ത് വിന്യസിച്ചു.
നിയന്ത്രണരേഖയോട് ചേര്‍ന്ന് പട്രോളിങ് നടത്തുകയായിരുന്ന കരസേനയുടെ 9 ജെഎകെ വാഹനത്തിന് നേരെ ഒന്നോ രണ്ടോ റൗണ്ട് വെടിയുതിർത്തു. സൈന്യം തിരിച്ചടിച്ചതോടെ ഭീകരർ വനത്തിനുള്ളിലേക്ക് പിൻവാങ്ങി.
