മാൾട്ടാ വാർത്തകൾ
മാൾട്ട ഫ്രീപോർട്ടിൽ വീണ്ടും മയക്കുമരുന്ന് വേട്ട, പിടിച്ചെടുത്തത് 100 കിലോ കൊക്കെയ്ൻ
മാൾട്ട ഫ്രീപോർട്ടിൽ വീണ്ടും മയക്കുമരുന്ന് വേട്ട. കണ്ടെയ്‌നർ തടഞ്ഞ് 14 മില്യൺ യൂറോ വില വരുന്ന 100 കിലോ കൊക്കെയ്‌നാണ് പോലീസ് പിടികൂടിയത്. ഇക്വഡോറിലെ ഗ്വായാകിൽ നിന്ന് കയറ്റി അയച്ച കേബിളുകൾക്കിടയിൽ 50 പാക്കറ്റുകളിലായാണ് മയക്കുമരുന്ന് ഒളിപ്പിച്ചിരുന്നത്. ചരക്ക് മാൾട്ടീസ് മാർക്കറ്റിന് വേണ്ടിയാണോ വന്നതെന്ന് പോലീസ് പറഞ്ഞിട്ടില്ല. ഈ മാസത്തെ രണ്ടാമത്തെ പ്രധാന മയക്കുമരുന്ന് കണ്ടെത്തലാണിത്. ഒരു ട്രക്കിൽ നിന്ന് 146 കിലോ കൊക്കെയ്ൻ ഈ മാസം തന്നെ പിടിച്ചെടുത്തിരുന്നു.
