സഹൽ ഗോളടിച്ചു; സെമി ആദ്യ പാദം ബ്ലാസ്റ്റേഴ്സിന്
ഐഎസ്എൽ ആദ്യ സെമിയിലെ ആദ്യ പാദത്തിൽ കേരള ബ്ലാസ്റ്റേഴ്സിനു ജയം. ഗോവ ഫറ്റോർഡ സ്റ്റേഡിയത്തിൽ നടന്ന മത്സരത്തിൽ എതിരില്ലാത്ത ഒരു ഗോളിനാണ് ബ്ലാസ്റ്റേഴ്സ് വിജയിച്ചത്. മലയാളി താരം സഹൽ അബ്ദുൽ സമദ് കേരളത്തിൻ്റെ വിജയ ഗോൾ നേടി. പ്രതിരോധത്തിൽ നിറഞ്ഞുനിന്ന യുവതാരം റുയിവ ഹോർമിപാം ആണ് കളിയിലെ താരം.
കൊണ്ടും കൊടുത്തുമാണ് കളി ആരംഭിച്ചത്. തുടക്കത്തിൽ ഡാനിയൽ ചീമയ്ക്ക് രണ്ട് സുവർണാവസരങ്ങൾ ലഭിച്ചെങ്കിലും സ്കോർ നേടാൻ കഴിയാത്തത് അവർക്ക് കനത്ത തിരിച്ചടിയായി. പിന്നീട് മെല്ലെ കളിയിലേക്ക് തിരികെവന്ന ബ്ലാസ്റ്റേഴ്സ് രഹനേഷിനെ പരീക്ഷിക്കാൻ തുടങ്ങി. ലോങ് ബോളുകളിലൂടെ ജംഷഡ്പൂർ പ്രതിരോധത്തിൻ്റെ നില തെറ്റിക്കാനാണ് ബ്ലാസ്റ്റേഴ്സ് ശ്രമിച്ചത്. 38ആം മിനിട്ടിൽ ഈ തന്ത്രം ഫലം കണ്ടു. മധ്യനിരയിൽ നിന്ന് ആൽവാരോ വാസ്കസ് ഉയർത്തിനൽകിയ പന്ത് പിടിച്ച് അഡ്വാൻസ് ചെയ്ത ഗോൾ കീപ്പർ ടിപി രഹനേഷിനെ കബളിപ്പിച്ച് ഒരു ചിപ് ഷോട്ടിലൂടെ സഹൽ ബ്ലാസ്റ്റേഴ്സിനു ലീഡ് നൽകി.
നേരോടെ അറിയാൻ
നേരത്തേ അറിയാൻ
യുവധാര ന്യൂസ്‌
യുവധാര ന്യൂസിൽ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക:
