സംസ്കരിക്കാന് മൃതദേഹം വിട്ടു നല്കിയില്ല; കോംഗോയില് എബോള ചികിത്സാ കേന്ദ്രം ജനക്കൂട്ടം തീയിട്ടു നശിപ്പിച്ചു
കിന്ഷസ : ഡെമോക്രാറ്റിക് റിപ്പബ്ലിക് ഓഫ് കോംഗോയില് എബോള ചികിത്സാ കേന്ദ്രം ജനക്കൂട്ടം തീയിട്ടു നശിപ്പിച്ചു. പ്രതിവിധികളില്ലാതെ എബോള വലിയ രീതിയില് പടര്ന്ന് പിടിച്ചതോടെയാണ് സംഭവം. മരിച്ച വ്യക്തിയുടെ മൃതദേഹം വിട്ടുകൊടുക്കുന്നതുമായി ബന്ധപ്പെട്ടുണ്ടായ തര്ക്കങ്ങളാണ് അക്രമത്തില് കലാശിച്ചത്.
ആരോഗ്യ പ്രവര്ത്തകര്ക്ക് നേരെയും എബോള പ്രതിരോധ പ്രവര്ത്തനങ്ങള്ക്ക് നേരെയും പ്രദേശവാസികള്ക്കിടയില് നിലനില്ക്കുന്ന കടുത്ത അവിശ്വാസവും ദേഷ്യവുമാണ് ഈ സംഭവം വ്യക്തമാക്കുന്നത്.
ഇറ്റൂരി പ്രവിശ്യയിലെ റാംപാര എന്ന നഗരത്തില് വ്യാഴാഴ്ചയാണ് ഈ അക്രമസംഭവം നടന്നത്. എബോള ബാധിച്ച് മരിച്ചുവെന്ന് കരുതപ്പെടുന്ന ഒരു പ്രാദേശിക ഫുട്ബോള് കളിക്കാരന്റെ മൃതദേഹം ബന്ധുക്കള്ക്കും സുഹൃത്തുക്കള്ക്കുമായി വിട്ടുനല്കാന് അധികൃതര് വിസമ്മതിച്ചത് ജനങ്ങളെ പ്രകോപിപ്പിച്ചു. ഇതാണ് ആക്രമണത്തിലേയ്ക്ക് എത്തിച്ചത്.
