പ്രതികൂല കാലാവസ്ഥ : ചൈനയുടെ ചാങ് ഇ 7 ചാന്ദ്ര ദൗത്യ വിക്ഷേപണം മാറ്റിവച്ചു

ബെയ്ജിംഗ്: ചൈനയുടെ ചാന്ദ്ര ദൗത്യമായ ചാങ് ഇ 7 ന്റെ വിക്ഷേപണം മാറ്റിവെച്ചു. പ്രതികൂല കാലാവസ്ഥ കാരണമാണ് ചാങ് ഇ 7 ന്റെ വിക്ഷേപണം മാറ്റിവെച്ചതെന്ന് ചൈന അറിയിച്ചു. വിക്ഷേപണ തീയതി റോക്കറ്റ് ലോഞ്ച് പാഡിൽ സജ്ജമാക്കിയ ശേഷമാണ് കാലാവസ്ഥ പ്രതികൂലമാണെന്ന് വ്യക്തമായതെന്നും അധികൃതർ വ്യക്തമാക്കി. ഈ വർഷം ദൗത്യം യാഥാർഥ്യമാക്കാനാകില്ലെന്ന് വ്യക്തമായതോടെയാണ് താത്കാലികമായി വിക്ഷേപണം നിർത്തിവെക്കാൻ ചൈന മാനിഡ് സ്പേസ് ഏജൻസി (C M S A) തീരുമാനിച്ചത്. ഈ ആഴ്ചയിൽ വിക്ഷേപണത്തിന് അനുകൂലമായ സമയം കഴിഞ്ഞാൽ പിന്നീട് ദൗത്യത്തിന് അനുയോജ്യമായ സമയ ലഭ്യത കുറവായതിനാലാണ് വിക്ഷേപണം അടുത്ത വർഷത്തേക്ക് മാറ്റിവെക്കാൻ തീരുമാനിച്ചത്. പൂർണ്ണമായ ദൗത്യ സുരക്ഷയും കൃത്യതയും ഉറപ്പാക്കുന്നതിന്റെ ഭാഗമായാണ് നടപടിയെന്ന് ചൈന മാനിഡ് സ്പേസ് ഏജൻസി അറിയിച്ചു.