കേരളം
വടക്കൻ കേരളത്തിലെ പ്രവാസികൾക്ക് ആശ്വാസം; കണ്ണൂരില് നിന്ന് കുവൈത്ത്, റിയാദ് സര്വീസുകള് പുനരാരംഭിക്കുന്നു
കണ്ണൂര് : കണ്ണൂര് രാജ്യാന്തര വിമാനത്താവളത്തില് നിന്ന് കുവൈത്ത്, റിയാദ് സര്വീസുകള് പുനരാരംഭിക്കാന് ഒരുങ്ങി എയര് ഇന്ത്യ എക്സ്പ്രസ്. ടിക്കറ്റ് ബുക്കിങ് ആരംഭിച്ചു. ജൂലൈ 3 മുതല് ആഴ്ചയില് മൂന്ന് ദിവസമാണ് സര്വീസ്. റിയാദ് സെക്ടറില് ഞായര്, തിങ്കള്, വ്യാഴം ദിവസങ്ങളില് ഉച്ചയ്ക്ക് 2ന് കണ്ണൂരില് നിന്ന് പുറപ്പെട്ട് പ്രാദേശിക സമയം 4.35ന് റിയാദില് എത്തും.
തിരിച്ച് പ്രാദേശിക സമയം 5.35ന് റിയാദില് നിന്ന് പുറപ്പെട്ട് രാത്രി 1.35ന് കണ്ണൂരിലെത്തിച്ചേരും. ഇതേദിവസങ്ങളില് ഉച്ചകഴിഞ്ഞ് 3.25 ന് കണ്ണൂരില് നിന്ന് പുറപ്പെട്ട് 6 മണിക്ക് കുവൈത്തില് എത്തും. തിരിച്ച് 7 മണിക്ക് കുവൈത്തില് നിന്ന് പുറപ്പെട്ട് 2.40ന് കണ്ണൂരില് എത്തിച്ചേരും.
