തിരുവനന്തപുരത്ത് നടന് മണിയന്പിള്ള രാജുവിന്റെ കാര് ഇടിച്ച് ബൈക്ക് യാത്രക്കാര്ക്ക് ഗുരുതര പരിക്ക്
തിരുവനന്തപുരം : സിനിമാ നടന്റെ കാര് ഇടിച്ച് രണ്ടു ബൈക്ക് യാത്രക്കാര്ക്ക് സാരമായ പരിക്കേറ്റു. തിരുവനന്തപുരം വഴുതയ്ക്കാട് വെച്ചാണ് അപകടം ഉണ്ടായത്. ബൈക്ക് യാത്രക്കാരായ നിവേദിത് കൃഷ്ണ, സൂരജ് എന്നിവര്ക്കാണ് പരിക്കേറ്റത്.
ഇന്നലെ രാത്രി 10 മണിയോടെയായിരുന്നു അപകടം. നടന് മണിയന്പിള്ള രാജുവിന്റെ കാറാണ് അപകടമുണ്ടാക്കിയത്. അപകടത്തില്പ്പെട്ട ബൈക്ക് യാത്രക്കാര്ക്ക് സാരമായി പരിക്കേറ്റു. നിവേദിന്റെ കാല് ഒടിഞ്ഞു. സൂരജിന്റെ നട്ടെല്ലിനും സാരമായ പരിക്കുണ്ട്. ഇരുവരും സ്വകാര്യ ആശുപത്രിയില് ചികിത്സയിലാണ്.
അപകടം ഉണ്ടാക്കിയ വാഹനം നിര്ത്താതെ പോയി. സുധീര് കുമാര് രാജുവിന്റെ പേരിലാണ് കാറിന്റെ രജിസ്ട്രേഷന്. വാഹനം ഓടിച്ചിരുന്നത് നടന് തന്നെയാണെന്നാണ് സൂചന. സുബ്രഹ്മണ്യം ഹാളില് ഒരു ചടങ്ങില് പങ്കെടുത്ത ശേഷം നടന് വീട്ടിലേക്ക് മടങ്ങും വഴിയായിരുന്നു അപകടമുണ്ടായത് എന്നാണ് റിപ്പോര്ട്ട്. സംഭവത്തില് പൊലീസ് അന്വേഷണം തുടങ്ങി.
