മാർസാസ്കാലയിൽ നിയമവിരുദ്ധമായി കടൽ മുള്ളൻപന്നികളെ ശേഖരിച്ചയാൾ പിടിയിൽ
മാർസാസ്കാലയിൽ ഞായറാഴ്ച 25 കടൽ മുള്ളൻപന്നികളെ (Sea Urchins) നിയമവിരുദ്ധമായി ശേഖരിച്ചയാളെ പോലീസ് പിടികൂടി. പോലീസും എൻവയോൺമെന്റ് ആൻഡ് റിസോഴ്സസ് അതോറിറ്റിയും (ഇ.ആർ.എ) സ്ഥലത്തെത്തുമ്പോഴേക്കും ഈ കടൽ മുള്ളൻപന്നികൾ ചത്തിരുന്നു. സംഭവം കോടതിയുടെ പരിഗണനയ്ക്ക് വിടുമെന്ന് അധികൃതർ സ്ഥിരീകരിച്ചു.
കടൽ മുള്ളൻപന്നികളുടെ വംശവർദ്ധനവ് ഉറപ്പാക്കുന്നതിനായി 2023-ൽ പ്രഖ്യാപിച്ച വേട്ടയാടൽ നിരോധനം (Moratorium) 2027 വരെ നീട്ടിയിട്ടുണ്ട്. തീരദേശ സമുദ്ര ആവാസവ്യവസ്ഥയുടെ സന്തുലിതാവസ്ഥ നിലനിർത്തുന്നതിൽ പ്രധാന പങ്കുവഹിക്കുന്ന കടൽ മുള്ളൻപന്നിക വംശനാശഭീഷണി നേരിടുന്ന ജീവിവർഗ്ഗങ്ങളിൽ ഒന്നാണ്. ഈ നിരോധനം നിലവിൽ വന്നതോടെ കടൽ മുള്ളൻപന്നികളുടെ എണ്ണത്തിൽ ഏകദേശം 60 ശതമാനം വർദ്ധനവ് രേഖപ്പെടുത്തിയിട്ടുണ്ട്.
അനധികൃതമായതും നിയമവിരുദ്ധമായതുമായ പരിസ്ഥിതി പ്രവർത്തനങ്ങൾ ശ്രദ്ധയിൽപ്പെട്ടാൽ 2292 3500 എന്ന നമ്പറിൽ ബന്ധപ്പെടണമെന്ന് ഇ.ആർ.എ പൊതുജനങ്ങളോട് അഭ്യർത്ഥിച്ചു.
