തിരുട്ടുഗ്രാമത്തിലെ രണ്ടുപേർ ശബരിമലയിൽ പോലീസ് പിടിയിൽ

ശബരിമല : തിരുട്ടുഗ്രാമത്തിലെ രണ്ട് മോഷ്ടാക്കൾ ശബരിമലയിൽ പിടിയിലായി. കറുപ്പ് സ്വാമി, വസന്ത് എന്നിവരെയാണ് പോലീസ് പിടികൂടിയത്. സംശയം തോന്നിയ ഇരുവരെയും പോലീസ് ചോദ്യം ചെയ്ത് വിട്ടയച്ചിരുന്നു. ഇതിനു പിന്നാലെ കാട്ടിൽ ഒളിച്ച് മോഷണം നടത്തുന്നതിനിടെയാണ് ഇരുവരെയും പിടികൂടിയതെന്ന് പോലീസ് പറഞ്ഞു.

ശബരിമലയിൽ സംശയാസ്പദമായ രീതിയിൽ കണ്ട ഇരുവരെയും പോലീസ് ചോദ്യം ചെയ്തപ്പോൾ ജോലിക്കായി എത്തിയതാണെന്നാണ് ആദ്യം പറഞ്ഞത്. എന്നാൽ അത് തെളിയിക്കുന്ന രേഖകളൊന്നും ഇവരുടെ കൈവശം ഉണ്ടായിരുന്നില്ല. തുടർന്ന്‌ സ്ഥലത്ത്‌ നിന്ന്‌ മടങ്ങിപ്പോകാൻ പോലീസ് ആവശ്യപ്പെട്ടു. ഇവിടെ നിന്ന് മടങ്ങാൻ തയ്യാറാകാതിരുന്നു ഇരുവരും പിന്നീട് കാട്ടിൽ ഒളിച്ച് മോഷണം നടത്തുന്നതിനിടെയാണ് പിടികൂടിയതെന്ന് പോലീസ് പറയുന്നു.

ഇരുവരും തിരുട്ടു ഗ്രാമത്തിലുള്ളവരാണെന്നും നിരവധി കേസുകൾ ഇവരുടെ പേരിലുണ്ടെന്നും പോലീസ് വ്യക്തമാക്കി.