ഗോള് മഴ : ലൂസേഴ്സ് ഫൈനലില് 10 ഗോളുകള് പിറന്ന ത്രില്ലര് പോരാട്ടത്തില് ഫ്രാന്സിനെ തകര്ത്ത് ഇംഗ്ലണ്ടിന് വിജയം
മിയാമി : ഗോള് മഴ പെയ്ത ലോകകപ്പ് ലൂസേഴ്സ് ഫൈനലില് ഫ്രാന്സിനെ തകര്ത്ത് ഇംഗ്ലണ്ടിന് മൂന്നാം സ്ഥാനം.പത്തു ഗോളുകള് പിറന്ന ത്രില്ലര് പോരാട്ടത്തില് നാലിനെതിരെ ആറ് ഗോളുകള്ക്കാണ് ഇംഗ്ലണ്ട് വിജയം പിടിച്ചടക്കിയത്.
1966-ല് ലോകകിരീടം നേടിയ ശേഷം ഇംഗ്ലണ്ട് ലോകകപ്പ് ചരിത്രത്തില് നേടുന്ന ഏറ്റവും മികച്ച നേട്ടമാണിത്.1966-ല് കിരീടം ചൂടിയതിന് ശേഷം ലോകകപ്പ് വേദിയില് ഇംഗ്ലണ്ടിന്റെ ഏറ്റവും മികച്ച പ്രകടനമാണിത്.
ഇംഗ്ലണ്ടിനായി ബുകായോ സാക്ക ഹാട്രിക് നേടിയപ്പോള്, ഇരട്ട ഗോളുകളുമായി ഫ്രഞ്ച് നായകന് കിലിയന് എംബാപ്പെ ലോകകപ്പ് ഗോള്ഡന് ബൂട്ട് പോരാട്ടത്തില് ലയണല് മെസ്സിയെ മറികടന്നു. ഈ സീസണിലെയും ഏക്കാലത്തെയും ഗോള്വേട്ടക്കാരില് എംബാപ്പെ ഒന്നാമതെത്തി. ഈ സീസണില് 10 ഗോളും ആകെ 22 ഗോളുകളുമാണ് അദ്ദേഹത്തിന്റെ നേട്ടം. ലയണല് മെസിയാണ് തൊട്ടുപിന്നില്.
കളി തുടങ്ങി മൂന്നാം മിനിറ്റില് തന്നെ ഡെക്ലന് റൈസിലൂടെ ഇംഗ്ലണ്ട് ലീഡ് എടുത്തു. 18-ാം മിനിറ്റില് എസ്രി കോന്സയും, 37, 45+1 മിനിറ്റുകളില് ബുക്കായോ സാകയും ലക്ഷ്യം കണ്ടതോടെ ആദ്യ പകുതിയില് ഇംഗ്ലണ്ട് 4-0 ന് മുന്നിലെത്തി.
രണ്ടാംപകുതിയില് ഫ്രാന്സ് ശക്തമായി തിരിച്ചടിച്ചു. 48, 66 മിനിറ്റുകളില് കിലിയന് എംബാപ്പെയും 54-ാം മിനിറ്റില് ബ്രാഡ്ലി ബാര്ക്കോളയും ഫ്രാന്സിനായി സ്കോര് ചെയ്തതോടെ കളിയിലെ ലീഡ് 4-3 ആയി കുറഞ്ഞു. എന്നാല് കളി അവസാനിക്കാന് മിനിറ്റുകള് ബാക്കിനില്ക്കെ 87-ാം മിനിറ്റില് ലഭിച്ച പെനാല്റ്റി ലക്ഷ്യത്തിലെത്തിച്ച് സാക തന്റെ ഹാട്രിക് തികച്ചു (53). തൊട്ടുപിന്നാലെ ഇഞ്ചുറി ടൈമില് (90+6) ഉസ്മാന് ഡെംബെലെ ഫ്രാന്സിന്റെ നാലാം ഗോള് കണ്ടെത്തിയെങ്കിലും 90+8-ാം മിനിറ്റില് ജൂഡ് ബെല്ലിംഗം ഇംഗ്ലണ്ടിന്റെ ആറാം ഗോള് നേടി വിജയം ഉറപ്പിച്ചു.
