ആശങ്കകൾക്കിടെ യു.എസ്-ചൈന സൈനിക യോഗം

വാ​ഷി​ങ്ട​ൺ : ഡോ​ണ​ൾ​ഡ് ട്രം​പ് പ്ര​സി​ഡ​ന്റാ​യി അ​ധി​കാ​ര​മേ​റ്റ ശേ​ഷം ആ​ദ്യ​മാ​യി കൂ​ടി​ക്കാ​ഴ്ച ന​ട​ത്തി യു.​എ​സി​ന്റെ​യും ചൈ​ന​യു​ടെ​യും സൈ​നി​ക ഉ​ന്ന​ത ഉ​ദ്യോ​ഗ​സ്ഥ​ർ. ചൈ​ന​യു​ടെ കി​ഴ​ക്ക​ൻ ന​ഗ​ര​മാ​യ ഷാ​ങ്ഹാ​യി​ലാ​ണ് ബു​ധ​ൻ, വ്യാ​ഴം ദി​വ​സ​ങ്ങ​ളി​ൽ കൂ​ടി​ക്കാ​ഴ്ച ന​ട​ന്ന​ത്. ​താ​യ്‍വാ​ന് ചു​റ്റു​മു​ള്ള വ്യോ​മ, നാ​വി​ക അ​തി​ർ​ത്തി​യി​ൽ ചൈ​ന വ​ൻ സൈ​നി​ക പ​രി​ശീ​ല​നം ന​ട​ത്തി​യ​തി​ന് പി​ന്നാ​ലെ​യാ​യി​രു​ന്നു യോ​ഗം.

സു​ര​ക്ഷി​ത​മ​ല്ലാ​ത്ത​തും നി​ല​വാ​ര​മി​ല്ലാ​ത്ത​തു​മാ​യ ചൈ​നീ​സ് നാ​വി​ക, വ്യോ​മ​സേ​ന ന​ട​പ​ടി​ക​ൾ കു​റ​ക്കു​ക​യെ​ന്ന ല​ക്ഷ്യ​മി​ട്ടാ​ണ് യോ​ഗം വി​ളി​ച്ച​തെ​ന്ന് യു.​എ​സ് ഇ​ന്തോ-​പ​സ​ഫി​ക് ക​മാ​ൻ​ഡ് അ​റി​യി​ച്ചു. ​അ​തേ​സ​മ​യം, തെ​റ്റി​ദ്ധാ​ര​ണ​ക്ക് കാ​ര​ണ​മാ​കു​ക​യും പ​ര​മാ​ധി​കാ​ര​ത്തെ​യും സു​ര​ക്ഷ​യെ​യും അ​പ​ക​ട​ത്തി​ലാ​ക്കു​ക​യും ചെ​യ്യു​ന്ന ത​ര​ത്തി​ൽ വ്യോ​മ, നാ​വി​ക മേ​ഖ​ല​ക്ക​ടു​ത്ത് യു.​എ​സ് സൈ​നി​ക ക​പ്പ​ലു​ക​ളും വി​മാ​ന​ങ്ങ​ളും ര​ഹ​സ്യാ​ന്വേ​ഷ​ണ​വും സ​ർ​വേ​ക​ളും അ​ഭ്യാ​സ പ്ര​ക​ട​ന​ങ്ങ​ളും ന​ട​ത്തു​ന്ന​താ​യി ചൈ​ന യോ​ഗ​ത്തി​ൽ ചൂ​ണ്ടി​ക്കാ​ട്ടി.

പ്ര​കോ​പ​ന നീ​ക്ക​ങ്ങ​ളോ​ട് പ്ര​തി​ക​രി​ക്കു​ന്ന​തും പ​ര​മാ​ധി​കാ​ര​വും നാ​വി​ക അ​വ​കാ​ശ​വും താ​ൽ​പ​ര്യ​വും സം​ര​ക്ഷി​ക്കു​ന്ന​തും തു​ട​രു​മെ​ന്ന് വ്യ​ക്ത​മാ​ക്കി​യ​താ​യി മ​ന്ത്രാ​ല​യം പ്ര​സ്താ​വ​ന​യി​ൽ കൂ​ട്ടി​ച്ചേ​ർ​ത്തു. താ​യ്‍വാ​ൻ, ദ​ക്ഷി​ണ ചൈ​ന ക​ട​ൽ തു​ട​ങ്ങി​യ വി​ഷ​യ​ങ്ങ​ളിൽ ചൈ​ന​യും യു.​എ​സും ത​മ്മി​ലു​ള്ള ബ​ന്ധം കു​റ​ച്ചു വ​ർ​ഷ​ങ്ങ​ളാ​യി ന​ല്ല​നി​ല​യി​ല​ല്ല.