കേരളം
കണ്ണൂരില് കോണ്ക്രീറ്റ് മിക്സര് കയറ്റിവന്ന ലോറി മറിഞ്ഞു; രണ്ടുപേര്ക്ക് ദാരുണാന്ത്യം
കണ്ണൂര് : പയ്യാവൂരില് കോണ്ക്രീറ്റ് മിക്സര് കയറ്റിവന്ന ലോറി മറിഞ്ഞ് രണ്ട് പേര് മരിച്ചു. ആറ് തൊഴിലാളികള്ക്ക് പരിക്കേറ്റു. പയ്യാവൂര് മൂത്താറികുളത്ത് വൈകീട്ടാണ് അപകടം ഉണ്ടായത്. ഒരുവീടിന്റെ കോണ്ക്രീറ്റ് കഴിഞ്ഞ് മടങ്ങുന്നതിനിടെയായിരുന്നു സംഭവം
മരിച്ച രണ്ടുപേരും അതിഥി തൊഴിലാളികളാണ്. ഇവരെ ഉടന് തന്നെ ആശുപത്രിയിലെത്തിച്ചെങ്കിലും അപ്പോഴെക്കും മരണം സംഭവിച്ചിരുന്നു. പരിക്കേറ്റവരെ കണ്ണൂരിലെ സ്വകാര്യ ആശുപത്രിയില് പ്രവേശിപ്പിച്ചു. ഇവരുടെ പരിക്ക് ഗുരുതരമല്ലെന്നാണ് വിവരം.
അപകടം ഉണ്ടായതിന് പിന്നാലെ ഇരുവരും ലോറിക്കടിയില് കുടുങ്ങിപ്പോയി. ഏറെ നേരം പണിപ്പെട്ടാണ് ഇവരെ പുറത്തെത്തിച്ചത്. രണ്ടുപേരുടെയും മൃതദേഹം പരിയാരം മെഡിക്കല് കോളജിലേക്ക് മാറ്റി.
