വടക്കൻ സിക്കിമിൽ മണ്ണിടിച്ചിൽ; മൂന്നു സൈനികർ മരിച്ചു, 6 കാണാതായി

ന്യൂഡൽഹി : വടക്കൻ സിക്കിമിലുണ്ടായ മണ്ണിടിച്ചിലിൽ മൂന്ന് സൈനികർക്ക് ദാരുണാന്ത്യം. 4 സൈനികരെ രക്ഷിച്ചു. 6 സൈനികരെ കാണാതായിട്ടുണ്ട്. ഇവർക്കായി തെരച്ചിൽ ഊർജിതമാക്കിയിട്ടുണ്ട്.

കരസേനയുടെ ക്യാമ്പിന് മുകളിലേക്കാണ് മണ്ണിടിഞ്ഞ് വീണത്. ഞായറാഴ്ച രാത്രി പ്രദേശത്ത് ശക്തമായ മഴയാണ് പെയ്തത്. ഇതാണ് അപകടത്തിന് കാരണം. ചങ്തെനിലെ സൈനിക ക്യാമ്പിലേക്കും മണ്ണിടിഞ്ഞു വീണു. നേരിയ പരുക്കുകളോടെ 4 സൈനികരെ രക്ഷപ്പെടുത്തുകയായിരുന്നു.