വമ്പൻ വ്യക്തിഗത ബ്രാൻഡ് ലൈസൻസിങ് കരാറിൽ ഒപ്പിട്ട് ലോകമെമ്പാടും ആരാധകരുള്ള സോഷ്യൽ മീഡിയ താരം ഖാബി ലേം

റോം : ലോകമെമ്പാടും ആരാധകരുള്ള സോഷ്യൽ മീഡിയ താരം ഖാബി ലേം വമ്പൻ കരാറിൽ ഒപ്പിട്ടു. റിച്ച് സ്പാർക്കിൾ ഹോൾഡിങ്സ് (Rich Sparkle Holdings) എന്ന കമ്പനിയുമായിട്ടാണ് ഖബാനെ ലെയിം എന്ന ഖാബി ലെയിം 1 ബില്ല്യൺ ഡോളറിൻ്റെ (975 മില്യൺ ഡോളർ) കരാറിലെത്തിയത്. ഇതുപ്രകാരം നിർമിതബുദ്ധി (എഐ) കമ്പനി ഖാബി ലെയ്‌മിൻ്റെ മുഖച്ഛായ, ശബ്ദം, പെരുമാറ്റ രീതികൾ എന്നിവ ഉപയോഗിച്ച് എഐ രൂപം സൃഷ്ടിക്കും. കരാർ പ്രകാരം റിച്ച് സ്പാർക്കിൾ കമ്പനിക്ക് ഖാബി ലേമിൻ്റെ മുഖച്ഛായ, ശബ്ദം, ശരീരഭാഷ, പെരുമാറ്റരീതികൾ എന്നിവ അനുകരിച്ച് വിവിധ ഭാഷകളിൽ ഉള്ളടക്കം നിർമിക്കാനും വെർച്വൽ ലോകത്ത് ഉപയോഗിക്കാനും സാധിക്കും. ഇതുവഴി ഭാവിയിൽ പ്രതിവർഷം നാല് ബില്യൺ ഡോളറിലധികം വരുമാനമാണ് കമ്പനി പ്രതീക്ഷിക്കുന്നത്. ഇൻഫ്ലുവൻസർ ലോകത്തെ ഏറ്റവും വലിയ വ്യക്തിഗത ബ്രാൻഡ് ലൈസൻസിങ് ഇടപാടുകളിൽ ഒന്നാണിത്.

കരാർ പ്രകാരം റിച്ച് സ്പാർക്കിൾ ഹോൾഡിംഗ്സ് കമ്പനി ഖാബി ലെയ്‌മിൻ്റെ ഡിജിറ്റൽ എഐ രൂപത്തെ സൃഷ്ടിക്കാനാകും. കരാർ പ്രകാരം വ്യക്തിഗത ബ്രാൻഡ്, ഫേസ് ഐഡി (ഫേസ് ഐഡി), വോയിസ് ഐഡി (വോയ്സ് ഐഡി), പെരുമാറ്റ രീതികൾ എന്നിവ ഉപയോഗിക്കാനുള്ള അനുമതി നൽകുന്നു. ലെയ്‌മിൻ്റെ മുഖസൗന്ദര്യം, ശബ്ദം, ശരീരഭാഷ എന്നിവയെല്ലാം അനുകരിക്കാൻ കഴിയും. ഇതുവഴി ലെയ്‌മിനെ എഐ രൂപത്തെ ഉപയോഗിച്ച് വിവിധ ഭാഷകളിൽ ഉള്ളടക്കം നിർമിക്കാനും ലൈവ് സ്ട്രീമുകൾ ചെയ്യാനും സാധ്യമാക്കും. ഇതൊരു ഡിജിറ്റൽ പ്രതിരൂപം (doppelganger) പോലെ പ്രവർത്തിക്കും.

എഐ സാങ്കേതിക വിദ്യയുടെ വികസനം വ്യക്തിഗത ബ്രാൻഡിങ്ങിൽ വലിയ മാറ്റങ്ങൾ കൊണ്ടുവരും. ഇൻഫ്ലുവൻസർമാർക്കും പൊതു വ്യക്തികൾക്കും അവരുടെ ഡിജിറ്റൽ രൂപങ്ങൾ ഉപയോഗിച്ച് കൂടുതൽ വിപുലമായ പ്രചാരണ പരിപാടികൾ നടത്താൻ ഇത് അവസരം നൽകും. ഇത് ബ്രാൻഡിങ്, മാർക്കറ്റിങ്, കാമ്പെയ്ൻ എന്നിവയിൽ പുതിയ സാധ്യതകൾ തുറക്കുകയും ഓൺലൈനിൽ പ്രേക്ഷകരും ക്രിയേറ്റർമാരും തമ്മിലുള്ള ബന്ധം മാറ്റുകയും ചെയ്യും.

24കാരനായ ഖാബി ലേം 2020ൽ കൊവിഡ് കാലത്ത് ജോലി നഷ്ടപ്പെട്ടതിനെത്തുടർന്നാണ് ടിക് ടോക്ക് വീഡിയോകൾ ചെയ്യാൻ തുടങ്ങിയത്. വളരെ വേഗത്തിൽ പ്രശസ്തനായി. സോഷ്യല്‍ മീഡിയയില്‍ വൈറലാവാന്‍ വേണ്ടി ചില ആളുകള്‍ കാട്ടിക്കൂട്ടുന്ന മണ്ടത്തരങ്ങള്‍ ട്രോളുന്നതാണ് ഖാബിയുടെ ഹോബി.

കൈകൾ വിരിച്ച് കാണിക്കുന്ന പ്രത്യേക ആംഗ്യവും നിസ്സംഗമായ മുഖഭാവവും ലെയിമിൻ്റെ പ്രത്യേകതയായിരുന്നു. ഈ ലളിതമായ അവതരണവും സാർവത്രികമായ നർമവും ഭാഷാപരമായ തടസ്സങ്ങളെ മറികടക്കാൻ സഹായിച്ചു. മാസങ്ങൾക്കുള്ളിൽ അദ്ദേഹത്തിൻ്റെ വീഡിയോകൾ ലോകമെമ്പാടും പ്രചരിച്ചു. ഇന്ന് വിവിധ സോഷ്യൽ മീഡിയ പ്ലാറ്റ്‌ഫോമുകളിൽ അദ്ദേഹത്തിന് 350 മില്യണിലധികം ഫോളോവേഴ്‌സ് ഉണ്ട്.