കണ്ണൂരിൽ എസ് എഫ് ഐ നേതാവിന് കുത്തേറ്റു

കണ്ണൂർ : കണ്ണൂരിൽ എസ് എഫ് ഐ നേതാവിന് കുത്തേറ്റു. കണ്ണൂർ തോട്ടടയിലാണ് സംഭവം. എടക്കാട് ഏരിയ സെക്രട്ടറി കെ എം വൈഷ്ണവിനാണ് കുത്തേറ്റത്. കണ്ണൂർ എസ്എൻജി കോളജിന് സമീപത്ത് വെച്ചാണ് ആക്രമണമുണമുണ്ടായത്. ബൈക്കിലെത്തിയ സംഘം കുത്തി പരിക്കേൽപ്പിക്കുകയായിരുന്നു എന്നാണ് വിവരം. വിദ്യാർത്ഥിനിയെ ശല്യം ചെയ്ത സംഘത്തെ ചോദ്യം ചെയ്തതിന്റെ പേരിലായിരുന്നു അക്രമണം ഉണ്ടായത്.

കൈക്കും കാലിനും കുത്തേറ്റ വൈഷ്ണവിനെ എ കെ ജി ആശുപത്രിയിൽ പ്രവേശിപ്പിച്ചു. സംഭവത്തിൽ പൊലീസ് കേസ് രജിസ്റ്റർ ചെയ്തിട്ടുണ്ട്. ആരാണ് ആക്രമണം നടത്തിയതെന്ന് വ്യക്തമല്ല. പൊലീസ് സംഭവത്തിൽ അന്വേഷണം ആരംഭിച്ചിട്ടുണ്ട്. സമീപത്തെ സി സി ടി വി ദൃശ്യങ്ങൾ കേന്ദ്രീകരിച്ചും അന്വേഷണം ഊർജിതമാക്കിയിട്ടുണ്ട്. അക്രമത്തിന് പിന്നിൽ ലഹരിമാഫിയ സംഘമെന്ന് പൊലീസ് കണ്ടെത്തിയതായി വിവരം.