പലസ്തീന് ഔദ്യോഗികരാജ്യമെന്ന അംഗീകാരം ഉടൻനൽകില്ലെന്ന് പ്രധാനമന്ത്രിയുടെ വക്താവ്

പലസ്തീനെ ഔദ്യോഗിക രാജ്യമായി മാൾട്ട അംഗീകരിക്കില്ലെന്ന് പ്രധാനമന്ത്രിയുടെ വക്താവ്. പ്രധാനമന്ത്രി റോബർട്ട് അബേല കഴിഞ്ഞ മാസം നൽകിയ സൂചനക്ക് കടകവിരുദ്ധമാണെന്ന് ഈ നിലപാട്. സമീപഭാവിയിൽ മാൾട്ട പലസ്തീനെ ഔദ്യോഗികമായി അംഗീകരിക്കുമെന്ന് മെയ് മാസത്തിൽ അബേല പാർട്ടി അനുയായികളോട് പറഞ്ഞിരുന്നു. പലസ്തീനെ ഒരു രാഷ്ട്രമായി അംഗീകരിക്കാനുള്ള പദ്ധതികളിൽ മാൾട്ടീസ് സർക്കാർ മാറ്റം വരുത്തുന്നത് ഇതാദ്യമല്ല.2024 മാർച്ചിൽ, പലസ്തീൻ രാഷ്ട്രത്തിന്റെ അംഗീകാരത്തിനായി പ്രവർത്തിക്കുന്നതിൽ സ്പെയിൻ, അയർലൻഡ്, സ്ലൊവേനിയ എന്നിവയുമായി ചേരുന്നതായി സർക്കാർ പറഞ്ഞു.രണ്ട് മാസത്തിന് ശേഷം, അയർലൻഡും സ്പെയിനും (നോർവേയുമായി ചേർന്ന്) പലസ്തീൻ രാഷ്ട്രത്തെ അംഗീകരിക്കുന്നതായി ഔദ്യോഗികമായി പ്രഖ്യാപിച്ചു.എന്നിരുന്നാലും, മാൾട്ടയെ എവിടെയും കാണാനില്ലായിരുന്നു, പകരം “സാഹചര്യങ്ങൾ ശരിയാകുന്ന” ഒരു സമയത്തിനായി കാത്തിരിക്കുകയാണെന്ന് മാൾട്ട പറഞ്ഞു. ഈ സമ്മറിൽ നടക്കുന്ന യുഎൻ സമ്മേളനത്തിന് ശേഷം മാൾട്ടയുടെ ഇക്കാര്യത്തിലെ ഔദ്യോഗിക നിലപാട് ഉണ്ടാകുമെന്നാണ് സൂചനകൾ.