ആദ്യമായി വീട് വാങ്ങുന്നവർക്ക് €10,000 ഗ്രാന്റ്; പദ്ധതി പുനരാരംഭിച്ച് മാൾട്ടീസ് സർക്കാർ
ആദ്യമായി വീട് വാങ്ങുന്നവർക്ക് €10,000 ഗ്രാന്റുകൾ വാഗ്ദാനം ചെയ്യുന്ന പദ്ധതി മാൾട്ടീസ് സർക്കാർ പുനരാരംഭിച്ചു. 2023 ൽ ആരംഭിച്ച ഹൗസിംഗ് അതോറിറ്റി ഫസ്റ്റ്-ടൈം ബയേഴ്‌സ് സ്കീമിൽ, ആദ്യമായി വീട് വാങ്ങുന്നവർക്ക് 10 വർഷത്തേക്ക് ഓരോ വർഷവും €1,000 വീതം ക്യാഷ് ഗ്രാന്റ് ലഭിക്കും. കഴിഞ്ഞ വർഷം, ഈ പദ്ധതിക്കായി ഏകദേശം €4.7 മില്യൺ ആണ് സർക്കാർ ചിലവാക്കിയത്. പദ്ധതിയുടെ മൊത്തം ചെലവ് €7 മില്യണിലധികം എത്തിയതായി ഭവന മന്ത്രാലയം അറിയിച്ചു.
ജൂണിലാണ് പദ്ധതി അപേക്ഷകർക്ക് അടുത്ത ഗഡു നൽകുക. ഇതിലൂടെ 4,900 ൽ അധികം പേർക്ക് പ്രയോജനം ലഭിച്ചതായി ഭവന മന്ത്രി റോഡറിക് ഗാൽഡ്സ് പറഞ്ഞു. അപേക്ഷകരിൽ പകുതിയോളം പേർക്ക് ഇതിനകം രണ്ട് പേയ്‌മെന്റുകൾ ലഭിച്ചു, ബാക്കിയുള്ളവർക്ക് ആദ്യ പേയ്‌മെന്റ് ലഭിച്ചു, ഗാൽഡ്സ് പറഞ്ഞു. കഴിഞ്ഞ വർഷം പ്രോപ്പർട്ടികൾ വാങ്ങിയവരിൽ ഏകദേശം 2,600 പേർക്ക് പദ്ധതിയിലേക്ക് അപേക്ഷിക്കാൻ അർഹതയുണ്ടെന്ന് മന്ത്രി പറഞ്ഞു, മൂന്നിൽ രണ്ട് ഭാഗത്തിൽ താഴെ പേർ ഇതിനകം അപേക്ഷിച്ചിട്ടുണ്ടെന്നും കൂട്ടിച്ചേർത്തു. അതേസമയം, ഫസ്റ്റ് ഹോം ഗ്രാന്റ് എന്ന പ്രത്യേക ഭവന അതോറിറ്റി പദ്ധതി ആദ്യമായി വാങ്ങുന്നവര്‍ക്ക് €5,800-ല്‍ കൂടുതല്‍ ധനസഹായം നല്‍കിയിട്ടുണ്ടെന്നും അദ്ദേഹം ചൂണ്ടിക്കാട്ടി. അപേക്ഷകരിൽ പകുതിയിലധികം പേരും സ്വന്തമായി വാങ്ങാൻ തിരഞ്ഞെടുക്കുന്നുണ്ടെന്ന് ഹൗസിംഗ് അതോറിറ്റി സിഇഒ മാത്യു സെറാഫ അഭിപ്രായപ്പെട്ടു.
