സ്ലീമയിലെ അനധികൃത ടിക്കറ്റ് ബൂത്തുകൾ അടുത്ത വ്യാഴാഴ്ചയോടെ നീക്കം ചെയ്യാൻ നിർദ്ദേശം
സ്ലീമയിലെ അനധികൃത ടിക്കറ്റ് ബൂത്തുകൾ അടുത്ത വ്യാഴാഴ്ചയോടെ നീക്കം ചെയ്യാൻ നിർദ്ദേശം. സ്ലീമയിലെ പ്രൊമേനേഡിന്റെ ഭാഗങ്ങളിലുടനീളം, പ്രത്യേകിച്ച് ദി സ്ട്രാൻഡിന് സമീപം, അനധികൃത ടിക്കറ്റ് ബൂത്തുകളിലേക്കു പൊലീസ് ഔദ്യോഗിക നോട്ടീസുകൾ പതിപ്പിച്ച് തുടങ്ങി എന്ന് സ്ലീമ ലോക്കൽ കൗൺസിൽ അറിയിച്ചു.
ഈ നിർമ്മിതികൾ ഏപ്രിൽ 16നകം നീക്കം ചെയ്യാനുള്ള സമയപരിധി നൽകിയിരിക്കുകയാണ്. അതിനുശേഷവും നിലനിൽക്കുന്നവ ബലമായി നീക്കം ചെയ്യുമെന്ന് അധികൃതർ അറിയിച്ചു.
പ്രൊമേനേഡിൽ നടപ്പാതയിലെ ക്രമസമാധാനം പുനഃസ്ഥാപിക്കാൻ ഈ നടപടികൾ സഹായകരമാകുമെന്നും പൊതുസ്ഥലങ്ങൾ എല്ലാവർക്കും സ്വതന്ത്രവും സൗകര്യപ്രദവുമായി നിലനിർത്താൻ തങ്ങൾ പ്രതിബദ്ധമാണെന്നും കൗൺസിൽ ഈ നടപടിയെസ്വാഗതം ചെയ്ത് പറഞ്ഞു.
“2025 സെപ്റ്റംബറിൽ പ്രസിദ്ധീകരിച്ച സബ്സിഡിയറി ലെജിസ്ലേഷൻ 441.12 പ്രകാരം ആണ് ഈ നടപടി സ്വീകരിച്ചിരിക്കുന്നത്. പൊതുസ്ഥലങ്ങളുടെ ഉപയോഗം നിയന്ത്രിക്കുന്നതിനോടൊപ്പം, ആവശ്യമായ അനുമതികളില്ലാതെ ഇത്തരത്തിലുള്ള നിർമ്മിതികൾ സ്ഥാപിക്കുന്നത് നിരോധിക്കുന്നു,” എന്ന് കൗൺസിൽ ഫേസ്ബുക്ക് പോസ്റ്റിലൂടെ വ്യക്തമാക്കി.
കഴിഞ്ഞ സെപ്റ്റംബറിൽ പ്രാബല്യത്തിൽ വന്ന ഈ നിയമം, പൊതുസ്ഥലങ്ങൾ എങ്ങനെ ഉപയോഗിക്കാമെന്ന് നിർദ്ദേശിക്കുകയും ആവശ്യമായ അനുമതികളില്ലാതെ നിർമ്മിതികൾ സ്ഥാപിക്കുന്നത് നിരോധിക്കുകയും ചെയ്യുന്നു.
