മാൾട്ടാ വാർത്തകൾ
ഡ്രൈവിങ്ങ് ടെസ്റ്റ് പാസായാലുടൻ ലൈസൻസ് : സംവിധാനവുമായി ട്രാൻസ്പോർട്ട് മാൾട്ട
ഡ്രൈവിങ്ങ് ടെസ്റ്റ് പാസായാലുടൻ ലൈസൻസ് നൽകുന്ന സംവിധാനവുമായി ട്രാൻസ്പോർട്ട് മാൾട്ട. ട്രാൻസ്പോർട്ട് മാൾട്ട ഫ്ലോറിയാനയിലെ ഡ്രൈവിംഗ് ട്രെയിനിംഗ് ആൻഡ് ടെസ്റ്റിംഗ് യൂണിറ്റിലാണ് ഈ പുതിയ സേവനം ലഭിക്കുക.
2025 ജൂൺ 9 മുതൽ, വിജയകരമായി ഡ്രൈവിംഗ് പ്രായോഗിക പരീക്ഷ പാസായ ഉടൻ തന്നെ ഉദ്യോഗാർത്ഥികൾക്ക് അവരുടെ ഡ്രൈവിംഗ് ലൈസൻസ് കാർഡിന് പണമടയ്ക്കാൻ കഴിയും. ഈ സേവനം തിങ്കൾ മുതൽ വെള്ളി വരെ രാവിലെ 7:30 മുതൽ ഉച്ചയ്ക്ക് 13:00 വരെയും ശനിയാഴ്ച രാവിലെ 7:30 മുതൽ ഉച്ചയ്ക്ക് വരെയും നൽകും. ഡ്രൈവിംഗ് ടെസ്റ്റ് വിജയിച്ചതിന് ശേഷം വ്യക്തികൾ പാവോളയിലോ ലിജയിലോ ഉള്ള ട്രാൻസ്പോർട്ട് മാൾട്ട ഓഫീസുകളിലേക്ക് യാത്ര ചെയ്യേണ്ടതിന്റെ ആവശ്യകതയാണ് ഈ സംരംഭം മൂലം ഇല്ലാതാകുന്നത്.
