കേരളം
മൈസൂരുവിൽ കെ.എസ്.ആർ.ടി.സി സ്വിഫ്റ്റ് ബസ് മറിഞ്ഞു; 5 പേർക്ക് സാരമായി പരിക്ക്
മൈസൂരു: കോട്ടയത്ത് നിന്ന് പോയ കെ.എസ്.ആര്‍.ടി.സി സ്വിഫ്റ്റ് ബസ് മൈസൂരുവിന് സമീപം മറിഞ്ഞു. 5 യാത്രക്കാര്‍ക്ക് സാരമായി പരിക്കേറ്റു.
നഞ്ചന്‍കോടിന് സമീപമായിരുന്നു അപകടം. കോട്ടയം -ബംഗളൂരു സ്വിഫ്റ്റ് ഗരുഡ ബസാണ് അപകടത്തില്‍ പെട്ടത്. ഡിവൈഡറില്‍ തട്ടി നിയന്ത്രണം വിട്ട് റോഡരികിലേക്ക് മറിയുകയായിരുന്നു.
ഡ്രൈവര്‍ ഉള്‍പ്പെടെയുള്ളവര്‍ക്കാണ് സാരമായി പരിക്കേറ്റത്. രണ്ട് സ്ത്രീകള്‍ക്കും പരിക്കുണ്ട്. ഇവരെ മൈസൂരുവിലെ ആശുപത്രിയിലേക്ക് മാറ്റി.
ഡ്രൈവര്‍ ഉറങ്ങിപ്പോയതാകാം അപകട കാരണമെന്നാണ് നിഗമനം. 37 യാത്രക്കാരാണ് ബസ്സിലുണ്ടായിരുന്നത്.
