മാൾട്ട- പലേർമോ വിമാന സർവീസ് ആരംഭിക്കുമെന്ന് പ്രഖ്യാപിച്ച് കെഎം മാൾട്ട
മാൾട്ട- പലേർമോ വിമാന സർവീസ് ആരംഭിക്കുമെന്ന് പ്രഖ്യാപിച്ച് കെഎം മാൾട്ട എയർലൈൻസ്. 2026 വേനൽക്കാല ഷെഡ്യൂളിന്റെ ഭാഗമായാണ് ഈ സർവീസ് ആരംഭിക്കുന്നത്. മാൾട്ട- പലേർമോ സർവീസുകൾ ആഴ്ചയിൽ മൂന്ന് തവണ — ചൊവ്വ, ബുധൻ, ശനി ദിവസങ്ങളിൽ — 2026 മേയ് 30 മുതൽ ആരംഭിക്കും.
സിസിലിയുടെ തലസ്ഥാനമായ പലേർമോയിലേക്ക് യാത്ര ചെയ്യുന്നത് ഇത് കൂടുതൽ എളുപ്പമാകും. പഴമ നിറഞ്ഞ തെരുവുകൾ, മാർക്കറ്റുകൾ, പ്രശസ്തമായ സ്ട്രീറ്റ് ഫുഡ് എന്നിവയ്ക്കാണ് ഈ നഗരം പ്രശസ്തം.
പലേർമോ സമീപത്തെ വിനോദസഞ്ചാര കേന്ദ്രങ്ങളായ മൊണ്ടെല്ലോ, സെഫാലു, സെഗെസ്റ്റ, എറിസ് എന്നിവിടങ്ങളിലേക്കുള്ള പ്രധാന പ്രവേശന കവാടമായും പ്രവർത്തിക്കുന്നു.
വിമാന ടിക്കറ്റുകൾ കമ്പനിയുടെ വെബ്സൈറ്റ് അല്ലെങ്കിൽ മൊബൈൽ ആപ്പ് വഴി ബുക്ക് ചെയ്യാമെന്ന് എയർലൈൻ അറിയിച്ചു.
ഈ പുതിയ റൂട്ട് മാൾട്ടയും സിസിലിയും തമ്മിലുള്ള വിമാന ബന്ധം കൂടുതൽ ശക്തിപ്പെടുത്തുകയും കെഎം മാൾട്ട എയർലൈൻസ്ന്റെ വേനൽക്കാല നെറ്റ്വർക്കിനെ വിപുലീകരിക്കുകയും ചെയ്യും.
സിസിലിക്ക് അടുത്തുള്ള പ്രദേശമായതിനാൽ ചെറിയ അവധികൾക്കും വാരാന്ത്യ യാത്രകൾക്കും സാംസ്കാരിക സന്ദർശനങ്ങൾക്കുമായി മാൾട്ട സ്വദേശികൾ കൂടുതലായി തിരഞ്ഞെടുക്കുന്ന സ്ഥലങ്ങളിലൊന്നാണ്. പലേർമോ ചരിത്രപ്രാധാന്യമുള്ള നിർമ്മിതികൾ, മനോഹരമായ ബീച്ചുകൾ, പരമ്പരാഗത സിസിലിയൻ ഭക്ഷണം എന്നിവയ്ക്കും പ്രസിദ്ധമാണ്.
