ക്രിസ്മസ്-പുതുവത്സര അവധിക്കാലത്ത് മുപ്പത് അധിക അന്താരാഷ്‌ട്ര സർവീസുകൾ പ്രഖ്യാപിച്ച് കെഎം മാൾട്ട എയർലൈൻസ്
തിരക്കേറിയ ക്രിസ്മസ് പുതുവത്സര അവധിക്കാലത്ത് മാള്‍ട്ടയിലേക്കും പുറത്തേക്കും മുപ്പത് അധിക ഫ്‌ലൈറ്റ് സര്‍വീസ് നടത്തുമെന്ന് കെഎം മാള്‍ട്ട എയര്‍ലൈന്‍സ്. ഈ സര്‍വീസുകള്‍ നടത്തുന്നതിന് ആവശ്യമായ എയര്‍പോര്‍ട്ട് സ്ലോട്ട് സമയം ഉറപ്പാക്കിയതായി എയര്‍ലൈന്‍സ് വാര്‍ത്താക്കുറിപ്പില്‍ അറിയിച്ചു. 2024 ഡിസംബര്‍ 21 മുതല്‍ 2025 ജനുവരി 5 വരെയുള്ള കാലയളവില്‍, KM മാള്‍ട്ട എയര്‍ലൈന്‍സ് അതിന്റെ സാധാരണ ശീതകാല ഷെഡ്യൂള്‍ ചെയ്ത ഫ്‌ലൈറ്റുകള്‍ക്ക് പുറമേയാണ് ഈ അധിക സര്‍വീസുകള്‍ നടത്തുക
- റൂട്ടുകളുടെ വിവരം
ലണ്ടനിലേക്കും തിരിച്ചും പത്ത് അധിക വിമാനങ്ങള്‍
വിയന്നയിലേക്ക് ഏഴ് അധിക വിമാനങ്ങള്‍
പാരീസിലേക്ക് ആറ് അധിക വിമാനങ്ങള്‍
സൂറിച്ചിലേക്ക് മൂന്ന് അധിക വിമാനങ്ങള്‍
മ്യൂണിക്കിലേക്ക് രണ്ട് അധിക വിമാനങ്ങള്‍
റോമിലേക്ക് രണ്ട് അധിക വിമാനങ്ങള്‍
ഈ ഫ്‌ലൈറ്റുകളിലേക്കുള്ള സീറ്റുകളുടെ ബുക്കിങ് ആരംഭിച്ചിട്ടുണ്ട്. അധിക ഫ്‌ലൈറ്റുകളുടെ തീയതികളും സമയങ്ങളും പരിശോധിക്കുന്നതിന് www.kmmaltairlines.com ല്‍ ലോഗിന്‍ ചെയ്യാവുന്നതാണ്.
