മാൾട്ടയിലെ ഇന്ത്യൻ ബിരുദവിദ്യാർത്ഥികൾ വർധിക്കുന്നു, ഇറ്റാലിയൻ വിദ്യാർത്ഥികളിലും വർധന
2023ല്‍ മാള്‍ട്ടീസ് സ്ഥാപനങ്ങളില്‍ നിന്ന് ബിരുദം നേടിയ വിദേശ വിദ്യാര്‍ത്ഥികളില്‍ ഭൂരിഭാഗവും ഇറ്റലിക്കാരും ഇന്ത്യക്കാരുമാണെന്ന് ഔദ്യോഗിക കണക്കുകള്‍. 2023ല്‍ 5,833 വിദ്യാര്‍ത്ഥികള്‍ തൃതീയ തലത്തില്‍ ബിരുദം നേടിയതായും അവരില്‍ നാലിലൊന്ന് വിദേശികളാണെന്നും നാഷണല്‍ സ്റ്റാറ്റിസ്റ്റിക്‌സ് ഓഫീസ് അറിയിച്ചു. 1,526 വിദേശ വിദ്യാര്‍ത്ഥികളില്‍ 428 പേര്‍ ഇറ്റലിക്കാരും 424 പേര്‍ ഇന്ത്യക്കാരുമാണ്.
4,307 ബിരുദധാരികള്‍ മാള്‍ട്ടീസുകാരാണെന്നും 694 മറ്റ് EU രാജ്യങ്ങളില്‍ നിന്നുള്ളവരും 832 പേര്‍ EU ഇതര രാജ്യങ്ങളില്‍ നിന്നുള്ളവരാണെന്നും ആണ്. മാള്‍ട്ടയില്‍ തൃതീയ ബിരുദം നേടിയ യൂറോപ്യന്‍ യൂണിയന്‍ ഇതര പൗരന്മാരുടെ എണ്ണത്തില്‍ ഏറ്റവും കൂടുതല്‍ ഇന്ത്യക്കാരായിരുന്നു. 2023ല്‍, 424 ഇന്ത്യക്കാര്‍ ബിരുദം നേടി, മുന്‍ വര്‍ഷത്തേക്കാള്‍ 165% വര്‍ദ്ധനവ് വിദ്യാര്‍ത്ഥികളുടെ എണ്ണത്തില്‍ വന്നു.160 പേര്‍ തൃതീയ ബിരുദം നേടി. 2023ലെ ഇറ്റാലിയന്‍ ബിരുദധാരികള്‍ മുന്‍ വര്‍ഷത്തേക്കാള്‍ 2.9% വര്‍ദ്ധിച്ചു, മാള്‍ട്ടയില്‍ ബിരുദം നേടിയ യൂറോപ്യന്‍ യൂണിയന്‍ വിദ്യാര്‍ത്ഥികളുടെ ഏറ്റവും വലിയ കൂട്ടമാണ് അവര്‍. 2021 ല്‍ ഇറ്റാലിയന്‍ ബിരുദധാരികളുടെ എണ്ണംവെറും 143 ആയിരുന്നു.യൂറോപ്യന്‍ യൂണിയന്‍ ബിരുദധാരികളുടെ രണ്ടാമത്തെ വലിയ സംഘം ജര്‍മ്മനിയില്‍ നിന്നാണ് വന്നത്, 115 വിദ്യാര്‍ത്ഥികള്‍ . ഇത് മുന്‍വര്‍ഷത്തെ അപേക്ഷിച്ച് 42.8% കുറവാണ്. ബ്രിട്ടന്‍ , അമേരിക്ക എന്നിവിടങ്ങളില്‍ നിന്നുള്ള വിദ്യാര്‍ത്ഥികളും യഥാക്രമം 10, 20 ശതമാനം വര്‍ദ്ധിച്ചു.
മാള്‍ട്ടീസ് ബിരുദധാരികളില്‍ ഭൂരിഭാഗവും ‘ബിസിനസ്, അഡ്മിനിസ്‌ട്രേഷന്‍, നിയമം’ എന്നിവയിലാണ് ബിരുദം നേടിയത്. 31.6% മാള്‍ട്ടീസ് ‘ബിസിനസ്, അഡ്മിനിസ്‌ട്രേഷന്‍, നിയമം’ എന്നിവയില്‍ തൃതീയ തല യോഗ്യത നേടിയപ്പോള്‍, 13.3% ‘ആരോഗ്യത്തിലും ക്ഷേമത്തിലും’ 13.1% ‘വിദ്യാഭ്യാസത്തിലും’ നേടി. നേരെമറിച്ച്, മാള്‍ട്ടീസ് സ്ഥാപനങ്ങളില്‍ നിന്ന് ബിരുദം നേടിയ 46.1% യൂറോപ്യന്‍ യൂണിയന്‍ പൗരന്മാര്‍ ‘ആരോഗ്യത്തിലും ക്ഷേമത്തിലും’ ആണ് കൂടുതല്‍ പഠനം നടത്തിയത്. ഇന്ത്യ അടങ്ങുന്ന EU ഇതര പൗരന്മാരില്‍, 55.2% പേര്‍ ‘ആരോഗ്യം, ക്ഷേമം’ എന്നിവയില്‍ തൃതീയ തലത്തില്‍ ബിരുദം നേടി. 27.3% ‘ബിസിനസ്, അഡ്മിനിസ്‌ട്രേഷന്‍, നിയമം’ എന്നിവയിലും.
