അന്തർദേശീയം
ശ്വാസകോശ അണുബാധ : ബംഗ്ലാദേശ് മുൻ പ്രധാനമന്ത്രി ഖാലിദ സിയ ഗുരുതരാവസ്ഥയിൽ തുടരുന്നു
ധാക്ക : ശ്വാസകോശ അണുബാധയെത്തുടർന്ന് ആശുപത്രിയിൽ പ്രവേശിപ്പിച്ച ബംഗ്ലാദേശ് നാഷണലിസ്റ്റ് പാർടി (ബിഎൻപി) ചെയർപേഴ്സണും മുൻ പ്രധാനമന്ത്രിയുമായ ഖാലിദ സിയ ഗുരുതരാവസ്ഥയിൽ തുടരുന്നു. ബിഎസ്‌എസ്‌ വാർത്താ ഏജൻസിയാണ് വിവരം പങ്കുവെച്ചത്.
അണുബാധ ഹൃദയത്തിലേക്കും ശ്വാസകോശത്തിലേക്കും വ്യാപിച്ചിട്ടുണ്ട്‌. ലണ്ടനിലെ വിദഗ്ധചികിത്സയ്‌ക്കുശേഷം മേയ് ആറിനാണ് എൺപതു-കാരിയായ ഖാലിദ സിയ ബംഗ്ലാദേശിലെത്തിയത്. കൊല്ലപ്പെട്ട ബംഗ്ലാദേശ് പ്രസിഡന്റ് സിയാ- ഉർ റഹ്‌മാന്റെ ഭാര്യയാണ് ഖാലിദ സിയ. മകനും ബിഎൻപിയുടെ ആക്ടിങ് ചെയർമാനുമായ താരിഖ് റഹ്‌മാൻ 2008 മുതൽ ലണ്ടനിലാണ്. രണ്ടാമത്തെ മകൻ അറാഫത്ത് റഹ്‌മാൻ ഇ‍ൗവർഷം ഹൃദയാഘാതംമൂലം മരിച്ചു.
