മാൾട്ടയിലെ തൊഴിലവസരങ്ങൾ 4.0 ശതമാനം വർധിച്ചു : നാഷണൽ സ്റ്റാറ്റിസ്റ്റിക്സ് ഓഫീസ്
മാൾട്ടയിലെ തൊഴിലവസരങ്ങൾ ഒരു വർഷത്തിനിടെ 4.0 ശതമാനം വർധിച്ചതായി നാഷണൽ സ്റ്റാറ്റിസ്റ്റിക്സ് ഓഫീസ്. അതേസമയം, പ്രാഥമിക ജോലി എന്ന നിലയിൽ പാർട്ട്-ടൈം തൊഴിൽ 8.8 ശതമാനം ഉയർന്നു.
ഒരു വർഷത്തിനിടെ, പാർട്ട് ടൈം ജോലിക്കാർ ഒഴികെയുള്ള തൊഴിൽ വിതരണം 4.0 ശതമാനം വർദ്ധിച്ച് 301,289 ആയി. മുഴുവൻ സമയ രജിസ്റ്റർ ചെയ്ത തൊഴിലുകളിൽ (11,557) വാർഷിക വർധനവും രജിസ്റ്റർ ചെയ്ത തൊഴിലില്ലായ്മയിൽ കുറവുമുണ്ടായതാണ് ഇതിന് പ്രധാന കാരണം.
2024 സെപ്റ്റംബറിനെ അപേക്ഷിച്ച്, 2025 സെപ്റ്റംബറിൽ, മുഴുവൻ സമയ തൊഴിലുകളുടെ വർദ്ധനവിന് പ്രധാനമായും സംഭാവന നൽകിയത് അഡ്മിനിസ്ട്രേറ്റീവ് സപ്പോർട്ട് സർവീസും ഹ്യൂമൺ ഹെൽത്തിലും സാമൂഹിക പ്രവർത്തനങ്ങളുമാണ്.
സ്വകാര്യ മേഖലയിലെ രജിസ്റ്റർ ചെയ്ത പൂർണ്ണകാല തൊഴിലവസരങ്ങൾ 9,335 പേരുടെ വർധനവോടെ 2,45,108 ആയി. പൊതുമേഖലയിലെ പൂർണ്ണകാല തൊഴിൽ 2,222 പേരുടെ വർധനവോടെ 55,095 ആയി ഉയർന്നു.
സ്വയം തൊഴിൽ ചെയ്യുന്ന മുഴുവൻ സമയ തൊഴിലാളികളുടെ എണ്ണം 2024 സെപ്റ്റംബറുമായി താരതമ്യം ചെയ്യുമ്പോൾ 838 പേർ വർധിച്ചു. അതേസമയം, ജീവനക്കാരായി രജിസ്റ്റർ ചെയ്തവരുടെ എണ്ണം 10,719 പേർ കൂടി. 2024ലെ നിലയുമായി താരതമ്യം ചെയ്യുമ്പോൾ, പുരുഷന്മാരുടെ പൂർണ്ണകാല തൊഴിൽ 3.7 ശതമാനവും സ്ത്രീകളുടെത് 4.4 ശതമാനവും വർധിച്ചു.
രജിസ്റ്റർ ചെയ്ത പാർട്ട്-ടൈം തൊഴിൽ
2025 സെപ്റ്റംബറിൽ രജിസ്റ്റർ ചെയ്ത പാർട്ട്-ടൈം തൊഴിൽ 2024ലെ സെപ്റ്റംബറിലെക്കാൾ 9.6 ശതമാനം ഉയർന്നു. പൊതു ഭരണവും പ്രതിരോധവും; നിർബന്ധിത സാമൂഹ്യ സുരക്ഷയും അക്കോമഡേഷൻ- ഭക്ഷണ സേവന മേഖലയുമാണ് ഈ വർധനവിൽ പ്രധാന സംഭാവന നൽകിയ മേഖലകൾ.
മുഴുവൻ സമയ ജോലി കൂടെ കൈവശം വച്ചിരുന്ന പാർട്ട്-ടൈം തൊഴിലാളികളുടെ എണ്ണം 48,682 ആയി, ഇത് 2024ലെ അതേ മാസത്തേക്കാൾ 10.2 ശതമാനം കൂടുതലാണ്. പ്രാഥമിക തൊഴിൽ എന്ന നിലയിൽ പാർട്ട്-ടൈം ജോലി ചെയ്തിരുന്നവരുടെ എണ്ണം 37,550 ആയി, ഇത് 2024ലെ അതേ മാസത്തേക്കാൾ 8.8 ശതമാനം വർധിച്ചതായി റിപ്പോർട്ട് ചെയ്തു.
