മാൾട്ടീസ് ഭാഷയിൽ സോഷ്യൽ മീഡിയ പോസ്റ്റിട്ട റയാൻ എയറിനെതിരെ ട്രോൾ മഴ

മാൾട്ടീസ് ഭാഷയിൽ സോഷ്യൽ മീഡിയ പോസ്റ്റുകളിട്ട് മാൾട്ടക്കാരെ സന്തോഷിപ്പിക്കാൻ ശ്രമിച്ച റയാൻ എയറിന്റെ നീക്കം പാളി. ഐറിഷ് എയർലൈൻസിന്റെ ഈ പുതിയ ഉദ്യമം അവർ കരുതിയതുപോലെ സോഷ്യൽമീഡിയയിൽ ട്രെൻഡ് ആയെങ്കിലും ഉപയോഗിച്ച ഭാഷയുടെ ശുദ്ധി അവർക്ക് തിരിച്ചടിയായി. മാൾട്ടീസിലും ഇംഗ്ലീഷിലും ആളുകളെ ഇതിനെക്കുറിച്ച് സംസാരിക്കുന്നുണ്ടെങ്കിലും ഭൂരിപക്ഷവും എയർലൈനെ ട്രോളുകയാണ് ചെയ്യുന്നത്.

ലാൻഡ് ചെയ്യുമ്പോൾ കൈയ്യടിക്കുന്നതിന് യാത്രക്കാരിൽ നിന്ന് “ഇപ്പോൾ വരെ” പണം ഈടാക്കില്ലെന്ന ഫേസ്ബുക്കിൽ പോ സ്റ്റിനു പിന്നാലെ മാൾട്ടീസ് ഭാഷയിൽ “M’hemm l-ebda ħlas biex tfaħħar meta l-ajruplan jinżel. Għalissa.” എന്ന് പോസ്റ്റ് ചെയ്തുകൊണ്ട് എയർലൈൻ അതിന്റെ മാർക്കറ്റിംഗ് ഗിമ്മിക്ക് ഒരു പടി കൂടി മുന്നോട്ട് കൊണ്ടുപോയി. പോസ്റ്റിൽ വ്യാകരണപരമായി തെറ്റല്ലെങ്കിലും, വളരെ കൃത്രിമത്വം നിറഞ്ഞതാണെന്നും യഥാർത്ഥ സംഭാഷണ മാൾട്ടീസിനെ പ്രതിഫലിപ്പിക്കുന്നില്ലെന്നും പലരും ചൂണ്ടിക്കാട്ടി.
“ഭയാനകമായ മാൾട്ടീസ്. ആരോ ഗൂഗിൾ ട്രാൻസ്ലേറ്റ് ഉപയോഗിക്കുന്നുണ്ടെന്ന് വ്യക്തമാണ്.” മറ്റൊരാൾ അഭിപ്രായപ്പെട്ടു:
ഒ’ലെവൽ മാൾട്ടീസ് ഭാഷയിൽ റയാനെയറിന് 7 മാർക്ക് ലഭിച്ചതായി ഒരാൾ പരിഹസിച്ചു, മറ്റൊരാൾ കൈയടിക്ക് ഫീസ് ചേർക്കുന്നതിനുപകരം, മാൾട്ടീസ് ഭാഷയിൽ പോസ്റ്റ് ചെയ്യുന്നതിന് മുമ്പ് “ഒരു മാൾട്ടീസ് പ്രൂഫ് റീഡറിന്” പണം നൽകുന്നത് പരിഗണിക്കണമെന്ന് നിർദ്ദേശിച്ചു.

റയാനെയർ മാൾട്ടീസ് ഭാഷയിൽ പോസ്റ്റ് ചെയ്യുന്നത് ഇതാദ്യമല്ല. ഈ ആഴ്ചയുടെ തുടക്കത്തിൽ, ബാഗേജ് ഫീസ് വർദ്ധനവിനെക്കുറിച്ച് പരാതിപ്പെടുന്ന യാത്രക്കാരെ എയർലൈൻ സോഷ്യൽ മീഡിയയിലൂടെ വിമർശിച്ചിരുന്നു. “ഇമോഷണൽ ബാഗേജിന് കൂടുതൽ ചിലവ് വരും” എന്ന് പറഞ്ഞു ഒരു ചുംബന ഇമോജിയും പോസ്റ്റ് ചെയ്താണ് എയർലൈൻ വിമർശകരോട് പ്രതികരിച്ചത്.