ഡ്രൈവിംഗ് ലൈസൻസ് ഉപേക്ഷിച്ചാൽ €25,000 : പദ്ധതി ഘടനയിൽ മാറ്റംവരുമെന്ന് ഗതാഗത മന്ത്രി
ഡ്രൈവിംഗ് ലൈസൻസ് ഉപേക്ഷിക്കുന്ന ഡ്രൈവർമാർക്ക് €25,000 നൽകാനുള്ള പദ്ധതി ഘടനയിൽ മാറ്റംവരുമെന്ന് ഗതാഗത മന്ത്രി ക്രിസ് ബോണറ്റ് . അഞ്ചു വർഷത്തേക്കാണ് ലൈസൻസ് ഉപേക്ഷിക്കാനായി ഈ പാരിതോഷികം നൽകുന്നത്. മാൾട്ടയുടെ കാർ ആശ്രിതത്വം കുറയ്ക്കുന്നതിന് മാർച്ചിൽ അവതരിപ്പിച്ച 45 നടപടികളിൽ ഒന്നായ ഇത് ജൂണിൽ പ്രഖ്യാപിക്കുമെന്നാണ് കരുതിയിരുന്നത്.
അഞ്ച് വാർഷിക പേയ്‌മെന്റുകളായി വിഭജിച്ച €25,000 ഗ്രാന്റ് – എല്ലാവർക്കും നേരിട്ട് ലഭ്യമാക്കുന്നതിന് പകരം ഒരു പൈലറ്റ് പ്രോജക്റ്റായി ആരംഭിക്കാനാണ് നിലവിലെ തീരുമാനമെന്ന് ബോണറ്റ്, പറഞ്ഞു. ഏത് വിഭാഗത്തെയാണ് ആദ്യം ലക്ഷ്യമിടുന്നതെന്ന് സർക്കാർ ഇതുവരെ അന്തിമമാക്കിയിട്ടില്ല. ഓഫറിന് ആദ്യം അർഹത നേടുന്നവർ യുവാക്കൾക്ക് ആയിരിക്കാമെന്ന് ബോണറ്റ് നിർദ്ദേശിച്ചു.”18 വയസ്സ് തികയുമ്പോൾ തന്നെ ഡ്രൈവിംഗ് ലൈസൻസ് എടുക്കാൻ ആഗ്രഹിക്കുന്ന യുവാക്കളുടെ എണ്ണം ഇപ്പോഴും ആശങ്കാജനകമാം വിധം ഉയർന്നതാണ്,” അദ്ദേഹം പറഞ്ഞു. ഒറ്റരാത്രികൊണ്ട് ഗതാഗതത്തിൽ വലിയ കുറവ് വരുത്തുക പോലുള്ള “സെൻസേഷണലിസ്റ്റ്” ലക്ഷ്യങ്ങൾ കൈവരിക്കുന്നതിനല്ല, മറിച്ച് കാറുകളോടുള്ള പൊതുജനങ്ങളുടെ മനോഭാവം മാറ്റുന്നതിനാണ് ഈ നടപടികൾ എന്ന് ബോണറ്റ് ഊന്നിപ്പറഞ്ഞു.
