മാൾട്ടയിലെ സ്ത്രീകളുടെ തൊഴിലില്ലായ്മ നിരക്കിൽ 0.2 ശതമാനത്തിന്റെ കുറവ് : നാഷണൽ സ്റ്റാറ്റിസ്റ്റിക്സ് ഓഫീസ്

മാൾട്ടയിലെ തൊഴിലില്ലായ്മ നിരക്കിൽ നേരിയ കുറവ്. ഏപ്രിലിൽ തൊഴിലില്ലായ്മ നിരക്ക് 2.7% ആയിരുന്നു. തൊഴിലില്ലായ്മ നിരക്ക് മുൻ മാസത്തെ അപേക്ഷിച്ച് 0.1 ശതമാനം പോയിന്റും 2024 ഏപ്രിലുമായി താരതമ്യപ്പെടുത്തുമ്പോൾ 0.6 ശതമാനം പോയിന്റും കുറഞ്ഞു എന്നാണ് നാഷണൽ സ്റ്റാറ്റിസ്റ്റിക്സ് ഓഫീസ് കണക്കുകൾ കാണിക്കുന്നത് . പുരുഷന്മാരുടെയും സ്ത്രീകളുടെയും തൊഴിലില്ലായ്മ നിരക്ക് കഴിഞ്ഞ മാസം 2.7% ആയിരുന്നു, പുരുഷന്മാരുടെ തൊഴിലില്ലായ്മ നിരക്ക് സ്ഥിരമായി തുടരുമ്പോൾ സ്ത്രീകളുടേത് 0.2 ശതമാനം കുറഞ്ഞു. 15 മുതൽ 24 വയസ്സ് വരെ പ്രായമുള്ളവരുടെ യുവാക്കളുടെ തൊഴിലില്ലായ്മ നിരക്ക് 7.2% ആയിരുന്നു, മാർച്ചിനെ അപേക്ഷിച്ച് 0.5 ശതമാനം കുറവ്. 25 മുതൽ 74 വയസ്സ് വരെ പ്രായമുള്ളവരുടെ തൊഴിലില്ലായ്മ നിരക്ക് 2.3% ആയി സ്ഥിരമായി തുടർന്നു.