യു.​എ​സി​ലേ​ക്ക് ഇ​റ​ക്കു​മ​തി ചെ​യ്യു​ന്ന ഉ​രു​ക്ക്, അ​ലൂ​മി​നി​യം ഉ​ൽ​പ​ന്ന​ങ്ങ​ൾ​ക്ക് 50 ശ​ത​മാ​നം തീ​രു​വ നി​ല​വി​ൽ​വ​ന്നു

വാ​ഷി​ങ്ട​ൺ ഡിസി : വി​ദേ​ശ​രാ​ജ്യ​ങ്ങ​ളി​ൽ​നി​ന്ന് യു.​എ​സി​ലേ​ക്ക് ഇ​റ​ക്കു​മ​തി ചെ​യ്യു​ന്ന ഉ​രു​ക്ക്, അ​ലൂ​മി​നി​യം ഉ​ൽ​പ​ന്ന​ങ്ങ​ൾ​ക്ക് 50 ശ​ത​മാ​നം തീ​രു​വ നി​ല​വി​ൽ​വ​ന്നു. അ​മേ​രി​ക്ക​ൻ വ്യ​വ​സാ​യ മേ​ഖ​ല​ക്ക് ഊ​ർ​ജം ന​ൽ​കാ​നെ​ന്ന ​പേ​രി​ൽ നേ​ര​ത്തെ ട്രം​പ് പ്ര​ഖ്യാ​പി​ച്ച തീ​രു​വ ക​ടു​ത്ത എ​തി​ർ​പ്പു​യ​ർ​ന്ന​തി​നെ തു​ട​ർ​ന്ന് മൂ​ന്ന് മാ​സം നീ​ട്ടി​​വെ​ച്ച​താ​യി​രു​ന്നു.

ഇ​താ​ണ് ബു​ധ​നാ​ഴ്ച പു​തി​യ ഉ​ത്ത​ര​വ് പ്ര​കാ​രം പ്രാ​ബ​ല്യ​ത്തി​ലാ​യ​ത്. ബ്രി​ട്ട​നൊ​ഴി​കെ എ​ല്ലാ രാ​ജ്യ​ങ്ങ​ൾ​ക്കും 50 ശ​ത​മാ​നം തീ​രു​വ ബാ​ധ​ക​മാ​ണ്. യു.​കെ​യി​ൽ​നി​ന്നു​ള്ള​വ​ക്ക് ജൂ​ലൈ ഒ​മ്പ​ത് വ​രെ 25 ശ​ത​മാ​ന​മാ​കും.

യു.​എ​സി​ലേ​ക്ക് ഏ​റ്റ​വും കൂ​ടു​ത​ൽ ഉ​രു​ക്ക്, അ​ലൂ​മി​നി​യം ഉ​ൽ​പ​ന്ന​ങ്ങ​ളെ​ത്തു​ന്ന അ​യ​ൽ​രാ​ജ്യ​ങ്ങ​ളാ​യ കാ​ന​ഡ, മെ​ക്സി​കോ രാ​ജ്യ​ങ്ങ​ൾ​ക്കാ​ണ് പു​തി​യ തീ​രു​വ കൂ​ടു​ത​ൽ പ്ര​ഹ​ര​മേ​ൽ​പി​ക്കു​ക. മ​റ്റു രാ​ജ്യ​ങ്ങ​ൾ​ക്കും തി​രി​ച്ച​ടി​യാ​ണെ​ങ്കി​ലും അ​ടി​യ​ന്ത​ര​മാ​യി ന​ട​പ​ടി സ്വീ​ക​രി​ക്കേ​ണ്ടെ​ന്നാ​ണ് യൂ​റോ​പ്യ​ൻ യൂ​നി​യ​ൻ നി​ല​പാ​ട്.

2100 കോ​ടി യൂ​റോ​യു​ടെ തി​രി​ച്ച​ടി തീ​രു​വ നേ​ര​ത്തെ യൂ​റോ​പ്യ​ൻ യൂ​നി​യ​ൻ പ്ര​ഖ്യാ​പി​ച്ചി​രു​ന്ന​താ​ണ്. അ​തേ സ​മ​യം, ത​ങ്ങ​ൾ ക​യ​റ്റു​മ​തി ചെ​യ്യു​ന്ന​തി​നേ​ക്കാ​ൾ കൂ​ടു​ത​ൽ ഇ​വ യു.​എ​സി​ൽ​നി​ന്ന് ഇ​റ​ക്കു​മ​തി ചെ​യ്യു​ന്നു​ണ്ടെ​ന്നും തീ​രു​വ അം​ഗീ​ക​രി​ക്കാ​നാ​കി​ല്ലെ​ന്നും മെ​ക്സി​കോ പ​റ​യു​ന്നു.