സ്ലീമയിലെ പൂച്ചക്കുരുതി : 31കാരനായ ജപ്പാൻ പൗരൻ കുറ്റസമ്മതം നടത്തി
സ്ലീമയിൽ പൂച്ചകളെ മൃഗീയമായി കൊന്നൊടുക്കിയ കേസിൽ 31കാരനായ ജാപ്പനീസ് പൗരൻ കുറ്റസമ്മതം നടത്തി. സ്ലീമയിൽ പൂച്ചകളെ മൃഗീയമായി കൊന്നതായും അറസ്റ്റിനിടെ രണ്ട് പോലീസ് ഉദ്യോഗസ്ഥരെ പരിക്കേൽപ്പിച്ചതായും അദ്ദേഹം സമ്മതിച്ചു.
തന്റെ പ്രവൃത്തികൾക്ക് അക്രമാസക്തമായ പ്രവർത്തിക്കുപിന്നിൽ പിതാവിന്റെ കൈകളിൽ നിന്ന് താൻ അനുഭവിച്ച ദുരനുഭവങ്ങളാണാനും പൂച്ചകൾ തന്നെ മാന്തികുഴിയും കടിക്കുകയും കൊണ്ടാണ് അവയെ കൊന്നതെന്നും പ്രതി അവകാശപ്പെട്ടതായി പ്രൊബേഷൻ ഓഫീസർ മാത്യു ഫ്ലെറി സോളർ കോടതിയിൽ സാക്ഷ്യപ്പെടുത്തി. മാൾട്ട, ജപ്പാൻ, യുകെ എന്നിവിടങ്ങളിൽ സതോഷിക്ക് മുമ്പ് യാതൊരു ശിക്ഷയും ലഭിച്ചിട്ടില്ലെങ്കിലും, അടിസ്ഥാന മാനസികാരോഗ്യ പ്രശ്‌നങ്ങൾ ഉള്ളതായും കൂടുതൽ അക്രമം തടയുന്നതിന് മാനസിക നിരീക്ഷണത്തിന്റെ ആവശ്യമുണ്ടെന്നും പ്രൊബേഷൻ ഓഫീസർ പറഞ്ഞു. മൂന്ന് വർഷത്തെ മാനസിക ചികിത്സക്കെപ്പം ഫലപ്രദമായ ജയിൽ ശിക്ഷയും അദ്ദേഹം ശുപാർശ ചെയ്തു. മജിസ്‌ട്രേറ്റ് നാദിൻ സാന്റ് ലിയയാണ് കേസ് പരിഗണിക്കുന്നത്.
ജൂലൈയിൽ സ്ലീമയിൽ അഞ്ച് പൂച്ചകളെ ചത്തതോ വികൃതമാക്കിയതോ ആയി കണ്ടെത്തിയോടെയാണ് സംഭവം പൊതുജനശ്രദ്ധയിൽ വന്നത്. പൊതുജനരോഷം ഉണർത്തിയ തെരുവ് പൂച്ചകൾക്ക് നേരെയുണ്ടായ ക്രൂരമായ ആക്രമണങ്ങളുടെ പരമ്പരയിൽ സ്ലീമയിലെ ട്രിക് മാനുവൽ ഡിമെക്കിൽ നിരവധി ദിവസത്തെ നിരീക്ഷണത്തിന് ശേഷമാണ് പുലർച്ചെ 3 മണിയോടെ പോലീസ് പ്രതിയെ അറസ്റ്റ് ചെയ്തത്. അന്വേഷണത്തിനിടെ ശേഖരിച്ച വിവരങ്ങളുടെയും സുരക്ഷാ ക്യാമറ ദൃശ്യങ്ങളുടെയും അടിസ്ഥാനത്തിലാണ്അറസ്റ്റ്.
ഈ സംഭവത്തെത്തുടർന്ന് പ്രതിക്ക് പരമാവധി ശിക്ഷ ആവശ്യപ്പെട്ട് 9,000-ത്തിലധികം ആളുകൾ ഒപ്പിട്ട ഓൺലൈൻ ഹർജി സമർപ്പികുകയും മാൾട്ടയിലെ ജാപ്പനീസ് സമൂഹം മൃഗക്ഷേമ സംഘടനകൾക്കായി €12,000-ത്തിലധികം സമാഹരിക്കുകയും ചെയ്തിരുന്നു.
