സി.പി.എൽ 22 ഫുട്ബോൾ ടൂർണമെൻറ് നാളെ മാൾട്ട എഫ്ഗൂറ സ്റ്റേഡിയത്തിൽ നടക്കും.
വലേറ്റ : യൂറോപ്പിലെ പ്രമുഖ ക്ലബായ ക്ലബ്ബ് ഡി സൗത്ത് നേതൃത്വം കൊടുക്കുന്ന സി.പി.എൽ 22 ഫുട്ബോൾ ടൂർണമെൻറ് നാളെ വൈകിട്ട് 4 മണി മുതൽ എഫ്ഗൂറ ഫുട്ബോൾ സ്റ്റേഡിയത്തിൽ നടക്കും.
മത്സരത്തിൽ പ്രമുഖ സംഘടനകളായ മാൾട്ട മലയാളി അസോസിയേഷൻ, യുവധാര സാംസ്കാരിക വേദി, കാസർഗോസ്കാരുടെ കൂട്ടായ്മയായ കെഎൽ 14 എന്നിവരുടെ ടീമുകളും ബിസ്മില്ല സൂപ്പർമാർക്കറ്റ് ടീമും പങ്കെടുക്കും.
കഴിഞ്ഞ ശനിയാഴ്ച മത്സരത്തിൽ കളിക്കാർക്ക് വേണ്ടി ഒരു ലേലംവിളി പൂർത്തിയായിരുന്നു.
സാഹോദര്യത്തിന്റെയും സൗഹൃദത്തിൻന്റേയും സന്ദേശം പകർന്നുകൊണ്ട് ഫുട്ബോളിൽ വിദ്വേഷത്തിന് യാതൊരുവിധ സ്ഥാനവും ഇല്ല വ്യക്തമാക്കിക്കൊണ്ട് യൂറോപ്പിലെ പ്രവാസി മലയാളികളുടെ ടീമുകളിൽ ഏറ്റവും മികച്ച ക്ലബ്ബയായ ക്ലബ് ഡീ സൗത്ത് ആണ് ഈ ടൂർണമെന്റിന് നേതൃത്വം നൽകുന്നത്.
ടൂർണമെന്റിന്റെ മുഖ്യ സ്പോൺസർ ഇ. എഫ്. എം ഗ്രൂപ്പാണ്. സമ്മാനം സ്പോൺസർ ചെയ്തിരിക്കുന്നത് സമ്മിറ്റ് സർവീസും ആക്കിസം ഗ്രൂപ്പുമാണ്.
