പണം നിർലോഭം ചെലവഴിക്കുമ്പോഴും വിനോദ സഞ്ചാരികളുടെ മാൾട്ടയിലെ സ്റ്റേ റേറ്റിങ് കുറയുന്നു

പണം കൂടുതൽ ചെലവഴിക്കുന്നെങ്കിലും വിനോദസഞ്ചാരികൾ മാൾട്ടയിൽ തങ്ങുന്ന ദിവസങ്ങൾ കുറവെന്ന് സർവേ ഫലം. മാൾട്ട ഹോട്ടൽസ് ആൻഡ് റെസ്റ്റോറൻ്റ്സ് അസോസിയേഷൻ കമ്മീഷൻ ചെയ്ത ഒരു സർവേയിലാണ് മുൻവർഷത്തെ അപേക്ഷിച്ച് 2024 അവസാന പാദത്തിൽ വിനോദസഞ്ചാരികൾ കൂടുതൽ പണം ചിലവഴിച്ചുവെങ്കിലും രാജ്യത്ത് തങ്ങുന്ന ശരാശരി അവധി ദിവസങ്ങളിൽ കുറവ് വന്നതായി കണ്ടെത്തിയത്.

2024ൽ 3.56 ദശലക്ഷം വിനോദസഞ്ചാരികൾ മാൾട്ടയിലെത്തി. ഇത് മുൻവർഷത്തേക്കാൾ 19.5 ശതമാനം കൂടുതലാണ്. അവരുടെ ശരാശരി പ്രതിദിന ചെലവ് €141.91 ൽ എത്തി, 7.5 ശതമാനം വർദ്ധനവാണ് ഇക്കാര്യത്തിലുള്ളത്. എന്നിരുന്നാലും, 2023 ലെ ഇതേ കാലയളവിനെ അപേക്ഷിച്ച് രാത്രി സ്റ്റേകൾ അഞ്ച് ശതമാനം കുറഞ്ഞു. ത്രീ-സ്റ്റാർ ഹോട്ടലുകളിൽ 4.4 ശതമാനം പോയിൻ്റ് നേട്ടത്തോടെ, വർഷാവർഷം ഒക്യുപെൻസിയിൽ ഏറ്റവും വലിയ വർധനയുണ്ടായി. നാലാമത്തെ പാദത്തിൽ പഞ്ചനക്ഷത്ര ഹോട്ടലുകളിലെ താമസ നില 65.7 ശതമാനത്തിലെത്തി – 1.1 ശതമാനം പോയിൻ്റിൻ്റെ വർധന. ഫോർ-സ്റ്റാർ ഒക്യുപൻസി ഏകദേശം 2023 ലെവലിന് (82.6%) തുല്യമായി തുടർന്നു. വിവിധ രാജ്യങ്ങളിൽ, പ്രത്യേകിച്ച് യൂറോപ്പ്, യുഎസ്, ചൈന എന്നിവിടങ്ങളിൽ MTA ഏറ്റെടുത്തിട്ടുള്ള പരസ്യങ്ങളുടെയും മറ്റ് വിപണന ശ്രമങ്ങളുടെയും ഒരു നിര മാൾട്ട ടൂറിസം അതോറിറ്റി സിഇഒ കാർലോ മിക്കലെഫ്അവതരിപ്പിച്ചു. യൂറോപ്പിലെ ഏറ്റവും സമ്പന്നമായ നഗരങ്ങളെയാണ് എംടിഎ ലക്ഷ്യമിടുന്നതെന്ന് അദ്ദേഹം ചൂണ്ടിക്കാട്ടി.