വലേറ്റയിലെ പുതുവത്സര ആഘോഷങ്ങളിൽ അരലക്ഷം പേരെത്തുമെന്ന് സംഘാടകർ
വാലറ്റയിലെ പുതുവത്സര ആഘോഷങ്ങളില്‍ 50,000ത്തിലധികം ആളുകള്‍ പങ്കെടുക്കുമെന്ന് പ്രതീക്ഷിക്കുന്നു. സെന്റ് ജോര്‍ജ്ജ് സ്‌ക്വയറില്‍ നടക്കുന്ന സൗജന്യ പരിപാടിയില്‍ ഷോണ്‍ ഫറൂജിയ, ഇറ ലോസ്‌കോ, റെഡ് ഇലക്ട്രിക് എന്നിവരുടെ കലാപ്രകടനങ്ങള്‍ ഉണ്ടാകും . Evacuate the Dancefloor, Everytime we Touch തുടങ്ങിയ ഹിറ്റുകള്‍ക്ക് പേരുകേട്ട ജര്‍മ്മന്‍ ഡാന്‍സ് മ്യൂസിക് സ്റ്റാര്‍ കസ്‌കാഡ ഇവന്റിന്റെ തലക്കെട്ടാകും.
രാത്രി 9 മണിക്ക് ആരംഭിക്കുന്ന ആഘോഷങ്ങള്‍ പുലര്‍ച്ചെ 2 മണി വരെ തുടരും. അര്‍ദ്ധരാത്രി ഗ്രാന്‍ഡ് ഹാര്‍ബറിനു മുകളില്‍ കരിമരുന്ന് പ്രയോഗം നടക്കും. അതേസമയം സെന്റ് ജോര്‍ജ്ജ് സ്‌ക്വയറില്‍ അവതാരകരായ ഡിജെ കൊറോമയും ഡിജെ മിഗ്ഗിയും വല്ലെറ്റയിലെ കാണികളെയും ടിവിഎമ്മില്‍ തത്സമയം പരിപാടി പിന്തുടരുന്നവരെയും ന്യൂ ഇയര്‍ രാത്രിയുടെ ആഘോഷത്തിമിര്‍പ്പിലേക്ക് എത്തിക്കും. ഡിജെ ഡിറേയുടെ ഡോറിയാന്‍ മാമോ, ടാറിന്‍ മാമോ സെഫായ്, ഓവന്‍ ബോണിസി, കീന്‍ കുട്ടജാര്‍ എന്നിവരും പരിപാടി അവതരിപ്പിക്കും.
ബസുകള്‍, സ്ലീമയില്‍ നിന്നും മൂന്ന് നഗരങ്ങളില്‍ നിന്നുമുള്ള ഫെറികള്‍, അപ്പര്‍ ബരാക്ക ലിഫ്റ്റ് എന്നിവ ഉള്‍പ്പെടെ വല്ലെറ്റയിലെത്താന്‍ ബദല്‍ ഗതാഗതം ഉപയോഗിക്കാന്‍ വല്ലെറ്റ മേയര്‍ ഒലാഫ് മക്കേ സന്ദര്‍ശകരോട് ആവശ്യപ്പെട്ടു. ദേശീയ പൈതൃക, കല, തദ്ദേശസ്വയംഭരണ മന്ത്രാലയത്തിന് കീഴിലുള്ള വാലറ്റ കള്‍ച്ചറല്‍ ഏജന്‍സിയുമായി സഹകരിച്ച് ജി7 ഇവന്റ്‌സാണ് ഇവന്റ് സംഘടിപ്പിക്കുന്നത്. മാള്‍ട്ട ടൂറിസം അതോറിറ്റിയും പരിപാടിയെ പിന്തുണയ്ക്കുന്നു.
