മാൾട്ടയിലെ തൊഴിൽ സാഹചര്യം മെച്ചപ്പെടുന്നു, ഫുൾ ടൈം പാർട്ട് ടൈം ജോലികളുടെ എണ്ണത്തിൽ വർധനവ്

മാള്‍ട്ടയിലെ തൊഴില്‍ സാഹചര്യത്തില്‍ ഉണര്‍വ് ഉണ്ടാകുന്നതായി കണക്കുകള്‍. ഫുള്‍ ടൈം ജോലിയുടെ ശരാശരിയില്‍ 8 % ഉം പാര്‍ട്ട് ടൈം ജോലികളില്‍ 4 .3 % ഉം 2023 ഒക്ടോബറില്‍ വര്‍ധന ഉണ്ടായി. 2022 ഒക്ടോബറുമായി താരതമ്യപ്പെടുത്തുമ്പോള്‍ ആണിത്. രാജ്യത്തെ തൊഴിലാളികളുടെ വിതരണം 281,156 ലേക്കും എത്തി. രജിസ്റ്റര്‍ ചെയ്ത ഫുള്‍ ടൈം ജോലിക്കാരുടെ എണ്ണത്തില്‍ പ്രതിവര്‍ഷം 20788 വര്‍ധന ഉണ്ടായി . രജിസ്റ്റര്‍ ചെയ്ത തൊഴിലില്ലാത്തവരുടെ എണ്ണത്തില്‍ കുറവ് രേഖപ്പെടുത്തിയതായും ദേശീയ സ്റ്റാറ്റിസ്റ്റിക്‌സ് ഓഫീസ് വെളിപ്പെടുത്തി

മൊത്തത്തിലുള്ള തൊഴില്‍ വര്‍ദ്ധനവ്:

ഒക്ടോബര്‍ 2022 നെ അപേക്ഷിച്ച് പൂര്‍ണ്ണ സമയ തൊഴിലും അര്‍ദ്ധസമയ തൊഴിലും ഗണ്യമായി വര്‍ധിച്ചു.

പൂര്‍ണ്ണ സമയ തൊഴില്‍:

ഈ മേഖലയിലാണ് ഏറ്റവും കൂടുതല്‍ വളര്‍ച്ച കാണിച്ചത് (വര്‍ഷം തോറും 8% വര്‍ദ്ധനവ്). സ്വകാര്യ മേഖലയിലാണ് കൂടുതല്‍ വര്‍ധന കണ്ടത്. രജിസ്റ്റര്‍ ചെയ്ത തൊഴിലാളികളുടെ എണ്ണം 20667 വര്‍ദ്ധിച്ച് 228643 ലേക്ക് ഉയര്‍ന്നു. ഒപ്പം പൊതുമേഖലയിലും സ്വയം തൊഴില്‍ സ്ഥാപനങ്ങളിലും ചെറിയ വര്‍ദ്ധനവും രേഖപ്പെടുത്തി.സ്ത്രീകളില്‍ 7 .3 ശതമാനവും പുരുഷന്മാരില്‍ 8.5 ശതമാനവുമാണ് രജിസ്റ്റര്‍ ചെയ്ത തൊഴിലാളികളില്‍ വര്‍ധന ഉണ്ടായത്.

അര്‍ദ്ധസമയ തൊഴില്‍:

ഇതും വര്‍ധിച്ചു (വര്‍ഷം തോറും 6.4% വര്‍ദ്ധനവ്). പ്രൊഫഷണല്‍, ശാസ്ത്രീയ, സാങ്കേതിക പ്രവര്‍ത്തനങ്ങള്‍, ഗതാഗതം, സംഭരണ മേഖലകളാണ് പ്രധാനയും കൂടുതല്‍ തൊഴില്‍ സംഭാവന ചെയ്തത്. പൂര്‍ണ്ണ സമയ ജോലിയുള്ളവര്‍ അര്‍ദ്ധസമയ ജോലിയും വഹിക്കുന്നതില്‍ (8.2% വര്‍ദ്ധനവ്) ഉണ്ടായി. പാര്‍ട്ട് ടൈം ജോലികള്‍ മുഖ്യ വരുമാനമായി കാണുന്നവരുടെ എണ്ണത്തിലും (4.3% ) വര്‍ദ്ധനവ് രേഖപ്പെടുത്തിയിട്ടുണ്ട്.