14 വർഷം കഴിഞ്ഞിട്ടും തരംഗമായി ‘ഗന്നം സ്റ്റൈല്’
വാഷിങ്ടൺ ഡിസി : ദക്ഷിണ കൊറിയന് ഗായകന് സൈ ആലപിച്ച് 2012 ജൂലൈയില് പുറത്തിറക്കിയ ഈ കെ-പോപ്പ് ഗാനം ലോകമെമ്പാടും തരംഗമായി മാറുകയായിരുന്നു. കുതിരകുളമ്പടി പോലുള്ള നൃത്തച്ചുവടുകളും എളുപ്പത്തില് മനസ്സില് പതിയുന്ന കോറസുമാണ് പാട്ടിനെ വന് ഹിറ്റാക്കിയത്.
14 വര്ഷങ്ങള്ക്കിപ്പുറവും യൂട്യൂബില് 1 ബില്യണ് വ്യൂസ് കടന്ന ആദ്യ വീഡിയോ എന്ന റെക്കോര്ഡ് ഈ പാട്ട് സ്വന്തമാക്കിയിരിക്കുകയാണ്. നിലവില് ഏകദേശം 6 ബില്യണ് വ്യൂസ് നേടിയിട്ടുണ്ട്. ലോകമെമ്പാടും ആയിരക്കണക്കിന് അനുകരണങ്ങളും പാരഡികളും ഡാന്സ് വീഡിയോകളും സൃഷ്ടിച്ച ‘ഗന്നം സ്റ്റൈല്’ യൂട്യൂബിലെ ഏറ്റവും കൂടുതല് ആളുകള് കണ്ട മ്യൂസിക് വീഡിയോകളില് ഒന്നായി മാറി. ഇത്രയും വലിയ പ്രേക്ഷകശ്രദ്ധ നേടിയതോടെ വീഡിയോയില് നിന്ന് ഗായകന് സൈക്കും അവകാശ ഉടമകള്ക്കും ലഭിച്ച വരുമാനം എത്രയെന്ന ചര്ച്ചയും ശക്തമായി.
2013ല് ഗൂഗിള് പുറത്തുവിട്ട കണക്കുകള് പ്രകാരം, ഏകദേശം 1.2 ബില്യണ് വ്യൂസ് ഉണ്ടായിരുന്ന സമയത്ത് ‘ഗന്നം സ്റ്റൈല്’ 8 മില്യണ് ഡോളറിലധികം പരസ്യ വരുമാനം നേടിയിരുന്നു. നിലവിലെ കാഴ്ച്ചക്കാരുടെ കണക്കുകളും സാധാരണ മ്യൂസിക് വീഡിയോ പരസ്യ നിരക്കുകളും അടിസ്ഥാനമാക്കി, അവകാശ ഉടമകള്ക്ക് ഇത്രയും വര്ഷങ്ങളിലായി പതിനായിരക്കണക്കിന് മില്യണ് ഡോളര് പരസ്യ വരുമാനമായി ലഭിച്ചിരിക്കാമെന്നാണ് കണക്കാക്കുന്നത്.
എഐ ചാറ്റ്ബോട്ടായ ഗ്രോക്കിന്റെ കണക്കനുസരിച്ച്, 1,000 വ്യൂസിന് 13 ഡോളര് എന്ന സാധാരണ മ്യൂസിക് ആര്പിഎം നിരക്ക് പരിഗണിച്ച് പാട്ടിന്റെ ഉടമകള്ക്ക് പരസ്യങ്ങളില് നിന്ന് മാത്രം കുറഞ്ഞത് കോടികളുടെ വരുമാനം ലഭിച്ചിരിക്കാമെന്നാണ് വിലയിരുത്തല്.
പാരഡികളും കവര് വീഡിയോകളും വഴി ലഭിക്കുന്ന കണ്ടന്റ് വരുമാനം ഇതിന് പുറമെയായിരിക്കും. മെറ്റയും സമാനമായ വിലയിരുത്തലാണ് നല്കിയത്. യൂട്യൂബ് വരുമാനത്തിന്റെ കൃത്യമായ കണക്കുകള് പൂര്ണമായി പുറത്തുവിടാറില്ലെന്നും പരസ്യ നിരക്കുകളില് വലിയ വ്യത്യാസങ്ങള് ഉണ്ടാകാമെന്നും മെറ്റ ചൂണ്ടിക്കാട്ടി. ഡൗണ്ലോഡുകള്, എന്ഡോഴ്സ്മെന്റുകള്, ലൈസന്സിംഗ് തുടങ്ങിയ മറ്റ് വരുമാന മാര്ഗങ്ങള് കൂടി ഉള്പ്പെടുത്തുന്നുണ്ടോ എന്നതനുസരിച്ച് കണക്കുകള് മാറാം.
‘ഗന്നം സ്റ്റൈല്’ ഗായകന് സൈയെ ആഗോളതലത്തില് സൂപ്പര്താരമാക്കി. ഇംഗ്ലീഷല്ലാത്ത ഭാഷയില് പാടിയ ഒരു ഗാനത്തിന് ലോകമെമ്പാടുമുള്ള മെയിന്സ്ട്രീം പ്രേക്ഷകരിലേക്ക് ഇത്ര വലിയ സ്വാധീനം ചെലുത്താനാവുന്നത് ഇത് ആദ്യമായാണ്.
സംഗീത വ്യവസായത്തിലും പാട്ടിന്റെ വിജയം വലിയ സ്വാധീനം ചെലുത്തി. യൂട്യൂബ് വ്യൂസും ഓണ്ലൈന് സ്ട്രീമിങും ഒരു ഗാനത്തിന്റെ ജനപ്രീതി അളക്കുന്നതില് എത്രത്തോളം നിര്ണായകമാണെന്ന് ‘ഗാങ്നം സ്റ്റൈല്’ തെളിയിച്ചു. ഇതിന്റെ പശ്ചാത്തലത്തിലാണ് ബില്ബോര്ഡ് ഉള്പ്പെടെയുള്ള ചാര്ട്ടുകള് അവരുടെ റാങ്കിങ് രീതികളില് സ്ട്രീമിംഗ്, യൂട്യൂബ് ഡാറ്റകള്ക്ക് കൂടുതല് പ്രാധാന്യം നല്കാന് തുടങ്ങിയത്.
