ക്ളീനിംഗ് കരാർ ക്രമക്കേട് : കെഎം മാൾട്ട എയർലൈൻസിനെതിരെ കേസുമായി ക്ളീനിംഗ് കമ്പനി

ക്ളീനിംഗ് കരാർ നൽകിയതിൽ ക്രമക്കേട് ആരോപിച്ച് കെഎം മാൾട്ട എയർലൈൻസിനെതിരെ കേസുമായി ക്ളീനിംഗ് കമ്പനി. പൊതു കരാർ ക്ഷണിക്കാതെയാണ് കരാർ നൽകിയതെന്ന് കാണിച്ചാണ് ഫ്ലോർപുൾ കെഎം മാൾട്ട എയർലൈൻസിനെതിരെ കേസ് നൽകിയത്. ഏവിയേഷൻ സർവീസസ് ഹാൻഡ്‌ലിംഗ് ലിമിറ്റഡിനെ ടെൻഡറിൽ നിന്ന് അയോഗ്യരാക്കണമെന്നാണ് കമ്പനിയുടെ ആവശ്യം. ഏകദേശം കഴിഞ്ഞ പത്ത് വർഷമായി കെഎം മാൾട്ട എയർലൈൻസിന് വിമാന ക്ലീനിംഗ് സേവനങ്ങൾ നൽകുന്നുണ്ടെന്ന് ഫ്ലോർപുൾ പറഞ്ഞു. “തിരഞ്ഞെടുത്തതും അജ്ഞാതവുമായ” നിരവധി കമ്പനികൾക്ക് അയച്ച ലളിതമായ ഇ-മെയിൽ അഭ്യർത്ഥനയിലൂടെയാണ് കെഎം മാൾട്ട എയർലൈൻസ് സേവനം പുതുക്കിയതെന്ന് വാദിച്ചു. യാതൊരു സൂക്ഷ്മപരിശോധന പ്രക്രിയയും കൂടാതെയും വിജയിക്കാത്ത ലേലക്കാർക്ക് അപ്പീൽ അവകാശം നൽകാതെയും എയർലൈൻ ഏവിയേഷൻ സർവീസസ് ഹാൻഡ്ലിംഗ് ലിമിറ്റഡിനെ തിരഞ്ഞെടുത്തു. കെഎം മാൾട്ട എയർലൈൻസും ഏവിയേഷൻ സർവീസസ് ഹാൻഡ്ലിംഗ് ലിമിറ്റഡും ഒരേ ഡയറക്ടർരാണ് ഉള്ളതെന്നതിനാൽ ഗുരുതരമായ സ്വജനപക്ഷപാതം നടന്നുവെന്നാണ് ഫ്ലോർ പുള്ളിന്റെ നിലപാട്.