മാൾട്ട വിമാനത്താവളത്തിലെ അറൈവൽ കവാടത്തിൽ റൈഡ്-ഹെയ്‌ലിംഗ് ക്യാബുകൾക്ക് വിലക്ക്
മാൾട്ട വിമാനത്താവളത്തിലെ അറൈവൽ കവാടത്തിൽ റൈഡ്-ഹെയ്‌ലിംഗ് ക്യാബുകൾക്ക് വിലക്ക്.യൂബർ, ബോൾട്ട്, ഇ-കാബ്‌സ് തുടങ്ങിയ റൈഡ്-ഹെയ്‌ലിംഗ് സേവനങ്ങളിലൂടെ ടാക്സികൾ ബുക്ക് ചെയ്യുന്ന യാത്രക്കാർക്ക് വാഹനത്തിൽ കയറാനായി ഇനി പ്രധാന ഔട്ട്‌ഡോർ കാർ പാർക്കിലുള്ള പുതിയ പിക്ക്-അപ്പ് പോയിന്റിലേക്ക് പോകേണ്ടി വരും. റൈഡ്-ഹെയ്‌ലിംഗ് ടാക്സികൾക്ക് ഡിപ്പാർച്ചർ ഗേറ്റിൽ യാത്രക്കാരെ ഇറക്കാൻ തുടർന്നും അനുവാദമുണ്ടാകും. തിങ്കളാഴ്ച മുതൽ മാറ്റം പ്രാബല്യത്തിൽ വരുമെന്ന് മാൾട്ട അന്താരാഷ്ട്ര വിമാനത്താവളം അറിയിച്ചു.
യൂബർ, ബോൾട്ട്, ഇ-കാബ്‌സ് തുടങ്ങിയ റൈഡ്-ഹെയ്‌ലിംഗ് സേവനങ്ങളിലൂടെ ടാക്സികൾ ബുക്ക് ചെയ്യുന്ന യാത്രക്കാർക്ക് നിലവിൽ അറൈവൽ ടെർമിനൽ കവാടത്തിൽനിന്നും കാറിൽ കയറാനാകും. തിങ്കളാഴ്ച മുതൽ, എത്തുന്ന യാത്രക്കാർ ലെവൽ -1 ലേക്ക് ഇറങ്ങി, തുരങ്കത്തിലൂടെ ഔട്ട്‌ഡോർ കാർ പാർക്കിലേക്ക് കടന്ന്, പുതിയ റൈഡ്-ഹെയ്‌ലിംഗ് പിക്ക്-അപ്പ് പോയിന്റിൽ എത്തേണ്ടിവരും. അറൈവൽ ടെർമിനൽ കവാടത്തിനു മുന്നിലുള്ള വെളുത്ത ടാക്സി പിക്ക്-അപ്പ് സോൺ മാറ്റമില്ലാതെ തുടരും. അറൈവൽ ടെർമിനലിലെ അവരുടെ സമർപ്പിത സ്റ്റാൻഡിനായി മാൾട്ട ടാക്സി ലൈസൻസ്ഡ് അസോസിയേഷൻ (MTLA) പ്രതിവർഷം ഏകദേശം €130,000 നൽകുന്നുണ്ട് . റൈഡ്-ഹെയ്‌ലിംഗ് സേവനങ്ങളുടെ ഡ്രൈവർമാർക്ക് വിമാനത്താവളത്തിൽ നിന്ന് കുറഞ്ഞത് 250 മീറ്റർ അകലെയാണെങ്കിൽ മാത്രമേ റൈഡുകൾ സ്വീകരിക്കാൻ കഴിയൂ. റൈഡ്-ഹെയ്‌ലിംഗ് ടാക്സികൾക്കായി പ്രത്യേക പിക്ക്-അപ്പ് പോയിന്റ് വേണമെന്ന് രണ്ട് മാസം മുമ്പ് MTLA ആവശ്യപ്പെട്ടതിനെ തുടർന്നാണ് തീരുമാനം.
