വ്യാജബോംബ് ഭീഷണി : ലിബിയൻ വംശജൻ മാൾട്ട വിമാനത്താവളത്തിൽ അറസ്റ്റിൽ
വ്യാജബോംബ് ഭീഷണി ഉയർത്തിയ ലിബിയൻ വംശജൻ മാൾട്ട വിമാനത്താവളത്തിൽ അറസ്റ്റിൽ. വിമാനത്തിൽ കയറുമ്പോൾ തന്റെ ബാക്ക്‌പാക്കിൽ ബോംബ് ഉണ്ടെന്ന് സ്വീക്കിയിൽ താമസിക്കുന്ന ലിബിയൻ വംശജനായ തഹ ഒസാമ അലി എഡ്രിസ് തമാശക്ക് വെളിപ്പെടുത്തുകയായിരുന്നു. ഇറ്റലിയിലെ ബെർഗാമോയിലേക്കുള്ള വിമാനത്തിൽ കയറുകയായിരുന്നു 21കാരനായ ഏഡ്രിസ്.
ഹാൻഡ് ബാഗേജ് വലുപ്പം കൂടുതലാണെന്നു ചൂണ്ടിക്കാട്ടി ഹാൻഡ്‌ലർമാർ തടഞ്ഞപ്പോഴാണ് ഏഡ്രിസ് തമാശ പൊട്ടിച്ചത്.
ബാഗ് പരിശോധിക്കാൻ ഫീസ് അടച്ചതിനുശേഷം ഇലക്ട്രോണിക് ഉപകരണങ്ങൾ ഉണ്ടോ എന്ന ചോദ്യത്തിന് അതിൽ ഒരു ബോംബ് ഉണ്ടെന്ന് അദ്ദേഹം മറുപടി നൽകി.ഇതോടെ അലാറം മുഴക്കിയ സുരക്ഷാ ഉദ്യോഗസ്ഥർ അദ്ദേഹത്തെ ബോർഡിംഗ് ക്യൂവിൽ നിന്ന് നീക്കം ചെയ്തു. ഉടൻ തന്നെ എഡ്രിസിനെ അറസ്റ്റ് ചെയ്ത് കസ്റ്റഡിയിലെടുത്തു. എന്നാൽ പരിശോധനയിൽ ഒന്നും കണ്ടെത്തിയില്ല.
വിമാനത്താവളത്തിൽ ആശങ്കയുണ്ടാക്കുന്ന തെറ്റായ അവകാശവാദം ഉന്നയിക്കുകയും തെറ്റായ വിവരങ്ങൾ പ്രചരിപ്പിക്കുകയും ചെയ്തതിന് യുവാവ് കോടതിയിൽ കുറ്റസമ്മതം നടത്തി.
