ഡൽഹിയും ഹരിയാനയും ബൂത്തിലേക്ക് , ആറാം ഘട്ട വോട്ടെടുപ്പ് ഇന്ന്
ന്യൂഡൽഹി: ആറാംഘട്ട വോട്ടെടുപ്പ് ഇന്ന്. 8 സംസ്ഥാനങ്ങളിലെ 58 ലോക്സഭാ സീറ്റുകളിലേക്കാണ് പോളിങ്. ഡൽഹി(ഏഴ്‌), ഹരിയാന(10), ബിഹാർ(എട്ട്‌), ജാർഖണ്ഡ്‌(നാല്‌), ഉത്തർപ്രദേശ്‌(14), ബംഗാൾ(എട്ട്‌), ഒഡിഷ(ആറ്‌) എന്നിവയാണ്‌ വോട്ടെടുപ്പ് നടക്കുന്ന സംസ്ഥാനങ്ങൾ. അരവിന്ദ് കെജ്‌രിവാളിന്റെ ജയിൽവാസവും ജയിൽമോചനവും നേരിട്ട് സ്വാധീനം ചെലുത്തിയേക്കാവുന്ന മണ്ഡലങ്ങൾ ഉൾക്കൊള്ളുന്ന ഡൽഹിയും ഹരിയാനയും എങ്ങനെ പ്രതികരിക്കും എന്നതാണ് ഈ ഘട്ടത്തിലെ നിർണായകമായ വസ്തുത.
ഇതോടൊപ്പം ഒഡീഷയിലെ 42 നിയമസഭാ സീറ്റുകളിലേക്കുള്ള വോട്ടെടുപ്പും നടക്കും.ലോക്സഭാ തിരഞ്ഞെടുപ്പിന്റെ 5 ഘട്ടങ്ങൾ പൂർത്തിയായപ്പോൾ 428 മണ്ഡലങ്ങളിലായി 66.39% പേർ വോട്ടു രേഖപ്പെടുത്തി. 2019 ൽ ഇത് 68%. 2024ൽ പോളിങ് ശതമാനത്തിൽ നേരിയ കുറവുണ്ടായിട്ടും ബൂത്തിലെത്തിയവരുടെ എണ്ണത്തിൽ വർധനയുണ്ടായി. ജൂൺ ഒന്നിനാണ് ഏഴാം ഘട്ട വോട്ടെടുപ്പ്. ജൂൺ നാലിന് ഫലപ്രഖ്യാപനം.
